Shimoliy Koreya yetakchisi Kim Chen In strategik qanotli raketalar sinovidan so‘ng armiyani yadro qurolidan foydalanishga to‘liq tayyor turishga chaqirdi. Bu haqda KCNA xabar berdi.
Uning so‘zlariga ko‘ra, raketa sinovlari 26-fevral kuni kunning birinchi yarmida o‘tkazilgan. Raketalar 7,9 ming soniya ichida 1587 kilometr masofani uchib o‘tgan va “nishonga aniq teggan”. Kim Chen In sinovlarning vazifasi “xavfsizlikni jiddiy buzayotgan va keskinlashuvga hissa qo‘shayotgan dushmanlarni” ogohlantirish, shuningdek, “turli yadroviy qurollarni qo‘llashga tayyorlikni” namoyish etish deb atalgan.
Kuchli zarba berish qobiliyati bilan kafolatlangan narsa — mudofaa va tiyib turish qobiliyati. KXDR qurolli kuchlarining mas’uliyatli vazifasi va burchi — milliy suverenitet va xavfsizlikni ishonchli yadroviy qalqon yordamida doimiy ravishda himoya qilish, yadroviy kuchlarning jangovar tayyorgarligini oshirish va ularni qo‘llashga to‘liq tayyor bo‘lishdan iborat, dedi Kim Chen In.
Janubiy Koreya harbiylari 26-fevral kuni KXDR raketa uchirishga tayyorgarlik ko‘rayotgani alomatlarini qayd etdi va ularning parvozini kuzatdi. Pxenyan bir necha yil davomida yadroviy kallaklarni yetkazib berish uchun mo‘ljallangan strategik qanotli raketalarni ishlab chiqish bilan shug‘ullangani aytilmoqda.
2024-yil yanvar oyida KXDR o‘rta va uzoq masofali yangi gipertovushli ballistik raketani uchirdi. Kim Chen Inning so‘zlariga ko‘ra, u har qanday raketaga qarshi mudofaa tizimini yengib o‘tishga qodir. Pxenyan 2021-yildan beri gipertovushli qurol sinovlari haqida xabar bermoqda. Biroq Shimoliy Koreya raketalari 1,5 ming km masofani bosib o‘tmayapti.
Izoh (0)