Шимолий Норвегиянинг Аннеа космик марказидаги учириш майдонидан 24 март куни учирилиши режалаштирилган Spectrum ракетасининг парвози кучли шамол сабабли бекор қилинди. Бу ҳақда Германиянинг Isar Aerospace ташувчи ишлаб чиқарувчи компанияси маълум қилди.
Ушбу учириш Ғарбий Европа ҳудудидан амалга оширилган биринчи космик ракета бўлиши керак эди. Анная оролидаги космодром 2023 йилда ишга туширилган. Ҳозирча Берлиндаги Isar Aerospace компанияси унинг ягона мижози ҳисобланади.
Баландлиги 28 метр ва диаметри 2 метр бўлган икки босқичли Spectrum енгил ракета-ташувчиси умумий оғирлиги 700 килограммгача бўлган кичик ва ўрта сунъий йўлдошларни қуёш-синхрон орбитага ҳамда 1000 килограммгача бўлган юкни паст ер орбитасига чиқариш учун мўлжалланган. Фойдали юкни орбитага чиқариш нархи ҳар бир килограмм учун тахминан 10 минг евро атрофида баҳоланмоқда.
“Бизнинг мақсадимиз ракета-ташувчининг барча қисмлари ва тизимларини синовдан ўтказишдан иборат. Ушбу синов парвозининг натижаларидан қатъи назар, у Европанинг коинотга чиқиши йўлидаги муҳим қадам бўлади”, дейди Isar Aerospace компаниясининг космик миссиялар ва учиришлар бўйича вице-президенти Александр Даллоно.
Изоҳ (0)