Xitoy, Rossiya va Eron mart oyining birinchi yarmida Eronning Chobahor porti yaqinidagi akvatoriyada “Xavfsizlik bog‘i-2025” qo‘shma harbiy-dengiz mashg‘ulotlarini o‘tkazadi.
Xitoy mashg‘ulotlarga xalqaro tadbirlarda ishtirok etgan kema — “Baotaou”ni safarbar qilmoqchi. U 2025-yilning fevral oyida Pokistonda bo‘lib o‘tgan “Tinchlik-2025” xalqaro mashg‘ulotlarida ishtirok etgan edi. Shuningdek, Xitoy mashg‘ulotlarga “Gaoyu Leyk” ta’minot kemasini ham yuboradi.
Mashg‘ulotlar, asosan, mamlakatlar o‘rtasida o‘zaro ishonch va hamkorlikni chuqurlashtirishga qaratilgan. Tadbirlar doirasida dengiz nishonlariga hujumlar, shikastlanishlarning oldini olish, shuningdek, qo‘shma qidiruv-qutqaruv operatsiyalari mashq qilinadi.
2024-yil noyabr oyi oxirida Rossiya Aerokosmik kuchlari va Xitoy Harbiy-havo kuchlari Yapon va Sharqiy Xitoy dengizlari, shuningdek, Tinch okeanining g‘arbiy qismida patrullik qilgan edi. Sentyabr oyida esa Rossiya va Xitoy armiyalari qo‘shma harbiy-dengiz mashg‘ulotlarini o‘tkazdi. Oktyabr oyida mamlakatlar Tinch okeanida raketa hujumini qaytarish bo‘yicha ham mashq qildi.
“Baotaou” — Xitoy dengiz flotidagi boshqariladigan raketa esminetsi. U Xitoyda qurilgan va 2021-yil dekabr oyida foydalanishga topshirilgan. Xususiyatlari:
- sig‘imi: 7500 tonna;
- uzunligi: 161 metr;
- harakatlanish: CODOG, ikkita gaz turbinasi va ikkita dizel dvigateli bilan;
- tezlik: 30 uzel.
“Baotaou” jangovar patrullarda, o‘t ochish mashg‘ulotlarida va kuzatuv missiyalarida qatnashgan.
Izoh (0)