Superliga. “Bunyodkor” “Buxoro”ni mag‘lubiyatga uchratdi, “Andijon” Muborakda “Mash’al”ga imkoniyatni boy berdi, “Qo‘qon-1912” esa “Surxon”dan ustun keldi

O‘zbekiston Superligasi 19-turi doirasidagi navbatdagi uchrashuvlar yakunlandi.

“Qo‘qon-1912” — “Surxon” 2:0
Gollar: 1:0 — Datsi (7), 2:0 — Husanov (90+3)

17-avgust, yakshanba kuni Farg‘onada “Qo‘qon-1912” va “Surxon” jamoalari o‘rtasida bo‘lib o‘tgan bahsda mezbonlar 2:0 hisobida zafar quchdi.

Uchrashuvdagi hisob 7-daqiqada ochildi. Albaniyalik hujumchi Kleydi Datsi 11 metrlik jarima zarbasidan unumli foydalanib, tablodagi natijani 1:0 ko‘rinishiga keltirib qo‘ydi. O‘yin yakunlanayotgan paytda, 90+3-daqiqada Javohir Husanov mezbonlarning ikkinchi goliga mualliflik qildi va uchrashuvga yakuniy nuqtani qo‘ydi.

Bu g‘alabadan so‘ng “Qo‘qon-1912” ochkolar sonini 18 taga yetkazdi va turnir jadvalining 13-pog‘onasiga ko‘tarildi. “Surxon” esa 23 ochko bilan 8-o‘rinda qolmoqda.

“Mash’al” — “Andijon” 1:0
Gol: 1:0 — Murtazoyev (41)

Kunning navbatdagi o‘yini Muborakda “Mash’al” va “Andijon” jamoalari o‘rtasida bo‘lib o‘tdi. O‘yinda yagona gol 41-daqiqada Humoyun Murtazoyev tomonidan urildi va mezbonlarga muhim 3 ochkoni taqdim etdi.

Natijada “Mash’al” ochkolar sonini 18 taga yetkazib, 14-pog‘onani egalladi. “Andijon” esa 21 ochko bilan 10-o‘ringa tushib ketdi.

“Bunyodkor” — “Buxoro” 2:1
Gollar: 1:0 — Matya (49), 1:1 — Normurodov (70, avtogol), 2:1 — To‘raqulov (90+4)

Toshkentda bo‘lib o‘tgan “Bunyodkor” – “Buxoro” uchrashuvi qiziqarli va gollarga boy tarzda kechdi. Ikkinchi bo‘lim boshida Matiya Krivokapich hisobni ochgan bo‘lsa, 70-daqiqada “Bunyodkor” futbolchisi Najmiddin Normurodov avtogol muallifiga aylandi — 1:1.

Ammo o‘yinga qo‘shib berilgan daqiqalarda “Bunyodkor” g‘alabani ilib ketdi. 90+4-daqiqada 20 yoshli Amir To‘raqulovning goli jamoasiga muhim 3 ochkoni olib keldi.

Shu tariqa “Bunyodkor” ochkolarini 34 taga yetkazib, turnir jadvalining 4-pog‘onasini mustahkamlab oldi. “Buxoro” esa 14 ochko bilan autsayderlar safida qolmoqda.