“Hududiy elektr tarmoqlari” AJ Jizzax filiali direktori A.A. narkotik moddalar bilan qo‘lga olingan. Bu haqda voqeadan xabardor “Daryo” manbasi xabar berdi.
Maʼlum bo‘lishicha, “Hududiy elektr tarmoqlari” AJ Jizzax filiali haydovchisi boshqaruvidagi Matiz xizmat avtomashinasi G‘allaorol tumanidan Sangzor YPX maskanida to‘xtatilib, tekshirilganda avtomobilda yo‘lovchi sifatida ketayotgan, ushbu tashkilotning avtotransport va mexanizmlar xizmati boshlig‘i J.O‘.ning yonidan giyohvand modda topilgan.
Surishtiruvlar davomida ushbu modda “Hududiy elektr tarmoqlari” AJ Jizzax filiali direktori A.A. uchun olib ketilayotgani aniqlangan.
Tadbir davomida korxona rahbari va boshqa ishtirokchilar ashyoviy dalillar bilan qo‘lga olingan.
Giyohvand moddalar savdosi
Mart oyi o‘rtalarida DXX Chegara qo‘shinlari va Namangan viloyati bo‘yicha boshqarmasi harbiy xizmatchilari tomonidan olib borilgan tezkor-qidiruv tadbirlarida katta miqdordagi narkotik moddalarning o‘zbek—qirg‘iz davlat chegarasidan noqonuniy o‘tkazilgan holati aniqlangandi.
Shuningdek, Navoiy viloyatida narkotik moddalar savdosi bilan shug‘ullanuvchi jinoiy guruh qo‘lga olingani, Toshkentda giyohvand moddalar savdosi bilan shug‘ullangan talabalar ushlangani, shuningdek, Samarqanddagi tungi klubda 10 ming AQSH dollari evaziga giyohvand modda sotishga uringanlar qo‘lga tushgani to‘g‘risida xabar berilgandi.
Aprel oyi oxirida Toshkent viloyatida narkokuryerlik bilan shug‘ullangan kollej talabasi ushlangandi.
Oktyabr oyining 10 kuni davomida giyohvandlik vositalarini yashirish yo‘li bilan (“zakladka”) tarqatgan va shunday noqonuniy faoliyat bilan shug‘ullangan 32 nafar shaxs ushlangan.
Izoh (0)