Hamma ham tez va oson ozishni xohlaydi, lekin sun’iy dorilar va qo‘shimchalar har doim ham xavfsiz bo‘lmaydi. Shuning uchun ko‘pchilik tabiiy usullarga murojaat qiladi. Aslida, kundalik ovqatlanish ratsionimizga qo‘shishimiz mumkin bo‘lgan ba’zi mahsulotlar bor, ular organizmga zarar bermasdan ortiqcha vazn bilan kurashishda yordam beradi. Bu mahsulotlar moddalar almashinuvini tezlashtirish, ishtahani nazorat qilish va yog‘larni parchalanishiga ko‘maklashish xususiyatiga ega.
Ushbu maqolada ozdiruvchi dorilarga o‘xshash ta’sir ko‘rsatadigan 5 ta tabiiy mahsulot haqida so‘z yuritamiz.
Avokado
Ko‘pchilik yog‘li mahsulotlar semirishga sabab bo‘ladi deb o‘ylaydi, ammo avokado bunga istisno. Tarkibidagi foydali yog‘lar va to‘yingan tolalar tufayli u organizmni uzoq vaqt davomida to‘q saqlaydi, ishtahani nazorat qilishga yordam beradi va zararli tamaddi qilish istagini kamaytiradi.
Avokadoning yana bir afzalligi — u metabolizmni tezlashtirib, yog‘larning parchalanishiga ko‘maklashadi. Tadqiqotlarga ko‘ra, avokado muntazam iste’mol qilinganda qorin va bel sohasidagi yog‘larni kamaytirishga yordam beradi. Undagi kaliy va antioksidantlar organizmni tozalashga, ortiqcha suyuqlikni chiqarishga va energiyani oshirishga xizmat qiladi.
Shuning uchun agar siz ozish jarayonida mazali va foydali mahsulot izlayotgan bo‘lsangiz, avokadoni ratsionga qo‘shishingiz mumkin. Uni turli salatlar bilan, nonushta uchun yoki smuzi bilan iste’mol qilish tavsiya etiladi.
Tuxum
Tuxum — yuqori sifatli oqsil va muhim oziq moddalar manbai bo‘lib, ozish jarayonida samarali yordamchi hisoblanadi. Uning tarkibidagi oqsil moddalar almashinuvini tezlashtiradi, mushak massasini saqlashga yordam beradi va uzoq vaqt to‘qlik hissini ta’minlaydi. Ayniqsa, ertalab nonushtaga tuxum iste’mol qilish kun davomida kamroq ovqatlanishga yordam berishi mumkin.
Bundan tashqari, tuxum tarkibida xolin moddasi mavjud. U organizmning yog‘larni parchalash jarayonida muhim rol o‘ynaydi va jigar faoliyatini qo‘llab-quvvatlaydi. U yog‘larning to‘planishini oldini olib, ularning energiyaga aylanishiga yordam beradi. Shu sababli xolin moddasi metabolizmni tezlashtirish va ortiqcha vaznni kamaytirishga ijobiy ta’sir ko‘rsatadi.
Olma
Olma nafaqat mazali, balki tabiiy usulda vazn yo‘qotishga yordam beruvchi ajoyib mahsulotlardan biri. Uning tarkibida ko‘p miqdorda o‘simlik tolalari mavjud bo‘lib, ular ochlik hissini kamaytiradi va uzoq vaqt to‘qlikni saqlashga yordam beradi. Ayniqsa, olma tarkibidagi pektin moddasi hazm jarayonini sekinlashtirib, uglevodlarning organizmga singishini kamaytiradi. Bu esa qon shakarining birdan oshib ketishining oldini oladi va ishtahani nazorat qilishga yordam beradi.
Shuningdek, olma tabiiy shirinligi tufayli shakar iste’molini kamaytirishda ham foydali bo‘lishi mumkin.
Selderey
Selderey tarkibida marganets, xolin, o‘simlik tolalar, efir moylari, vitaminlar va boshqa foydali moddalar mavjud. Ular ichak faoliyatini yaxshilaydi, tanadagi shishlarni yo‘qotadi, yog‘larning parchalanishini tezlashtiradi. 100 gramm sabzavot o‘z ichiga atigi 16 kkal energiyani oladi.
Seldereydagi antioksidantlar va vitaminlar organizmni tozalaydi va zararli toksinlardan xalos qiladi. Ushbu ko‘katni yangi uzilgan holda iste’mol qilish, salatlarga qo‘shish yoki sharbat shaklida ichish vazn tashlash jarayonini tezlashtiradi. Ayniqsa, uni nonushta yoki tushlik orasida iste’mol qilish ishtahani nazorat qilishga hamda zararli gazaklarga bo‘lgan ehtiyojni kamaytirishga zamin yaratadi.
Qora shokolad
Maksimal kakao tarkibiga ega qora shokolad (kamida 70%) har qanday parhezda iste’mol qilish mumkin bo‘lgan shirinlikdir. Uning tarkibida ishtahani kamaytiradigan va metabolizmni tezlashtiradigan antioksidantlar va yurak-qon tomir salomatligi uchun muhim bo‘lgan magniy mavjud. Kuniga 20-30 grammdan ko‘p bo‘lmagan miqdorda shokolad yeyish mumkin.
Qora shokolad tarkibida teobromin va kofein kabi moddalar mavjud bo‘lib, ular moddalar almashinuvini tezlashtiradi va yog‘larning parchalanishiga yordam beradi. Shuningdek, u ishqoriy yog‘larni o‘z ichiga olganligi sababli qondagi shakar darajasini barqaror ushlab turadi va shirinlikka bo‘lgan ishtiyoqni kamaytiradi.
Izoh (0)