Toshkent viloyatining Angren shahrida taqiqlangan ov quroli bilan baliq ovlayotgan shaxs jarimaga tortildi. Bu haqda Ekologiya vazirligi xabar berdi.
Maʼlum qilinishicha, “Jigariston” MFY hududidan oqib o‘tgan Ohangaron daryosida fuqaro A.S. tomonidan leskali toʼr yordamida baliq ovlangan.
Huquqbuzarga nisbatan ma’muriy bayonnoma rasmiylashtirildi va 7,5 mln soʼm miqdorida jarima chorasi qo‘llanildi.
Noqonuniy baliq ovlash
Avvalroq Aydar-Arnasoy ko‘llarida 2024-yili noqonuniy ov oqibatida tabiatga 1,7 mlrd so‘mlik zarar yetkazilgani haqida xabar berilgandi.
Shuningdek, Navoiyda noqonuniy baliq ovlagan shaxslar tabiatga 6,3 mlrd zarar yetkazgani haqida xabar berilgandi.
Bundan tashqari, Surxondaryo viloyati Sho‘rchi tumanida noqonuniy baliq ovlanishi natijasida tabiatga 1,4 milliard so‘m zarar yetkazilgan edi.
O‘zbekiston hududida 2025-yil 1-sentyabrdan 2028-yil 1-yanvargacha ov qilishga moratoriy joriy qilinishi mumkinligi aytilgandi.
Izoh (0)