Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarini e’tiboringizga havola qilamiz.
Turk aktrisasi Demet O‘zdemir yangi suratini obunchilari bilan bo‘lishdi.
“Mitti vayn”chi Ulug‘bek Shodibekov Instagram’da marhum do‘sti Farhod Mannopovni xotirladi. Ular 2020-yilda hamkorlikda vaynerlik faoliyatini boshlagandi.
Xonanda Afruza farzandli bo‘lgach, “Chilla uyi”da xordiq chiqarayotgan edi. Bir muddat ona va bolaga ko‘rsatilgan parvarishlardan so‘ng, u farzandini uyga olib keldi. Ota-onasi chaqaloqqa Muhammad Yasin deb ism qo‘ydi.
Oilaviy blogerlar Shahlo Alijonova va Shohruz Ro‘ziboyev yangi vayn ustida ishlayotgan ko‘rinadi.
Jennifer Lopes 7-avgust kuni “Bunyodkor” stadionida shou-konsertini taqdim etdi. Munisa Rizayeva Jey Loga bergan guldasta va boshqa sovg‘alar uchun xonanda unga minnatdorlik bildirdi.
Konsert yuqori darajada o‘tdi. Jennifer Lopes O‘zbekistonda konsert berayotganidan xursand ekanligini bildirdi.
Taniqli fotograf Said Fozilov ham Jey Lo bilan suratga tushdi.
Jambul Muhammedov yangi klipida aktrisa Marjona Mirzaaliyeva bilan partnyor bo‘lyapti.
Marhum qiziqchi Hojiboy Tojiboyevning kenja qizi Madinaning nikoh oqshomi bo‘lib o‘tdi.
Madina ota uyini ko‘zida yosh bilan tark etdi. Qiziqchi Valijon Shamshiyev yoshlarni kuzatib yubordi.
Izoh (0)