AQSHning Arizona shtati osmonida 19-fevral kuni kichik samolyotlar to‘qnashdi. Oqibatda ikki kishi halok bo‘ldi. Bu haqda Associated Press xabar berdi.
Har bir samolyot bortida ikkitadan odam bo‘lgan. To‘qnashuv Tuson shahri yaqinida sodir bo‘lgan. To‘qnashuvdan so‘ng Cessna 172 samolyoti xavfsiz qo‘nishga muvaffaq bo‘lgan. Biroq Lancair 360 MK II uchish-qo‘nish yo‘lagi yaqinida yerga qulab, yonib ketgan.
Halok bo‘lgan ikki kishi shu samolyot bortida bo‘lgani aytilmoqda. O‘t o‘chiruvchilar yong‘inni tezda o‘chirgan.
AQSHda yuz bergan so‘nggi aviahalokatlar:
25-yanvar Alyaska yarim orolida AQSHning F-35A qiruvchi samolyoti qulab tushdi. Uchuvchi katapulta qilishga ulgurdi va tirik qoldi.
30-yanvar kuni ertalab American Airlines yo‘lovchi samolyoti Vashington aeroporti yaqinida harbiy vertolyot bilan to‘qnashdin, so‘ngra Potomak daryosiga quladi. Oqibatda hech kim omon qolmadi, 5-fevral kuni aviahalokatda halok bo‘lgan barcha 67 kishining jasadi Vashingtondagi daryodan olib chiqildi.
1-fevral kuni AQSHning Filadelfiya shahrida aviahalokat yuz berdi: tez tibbiy yordam samolyoti turar-joy hududiga qulab tushdi, uylar va avtomobillarga zarar yetdi.
7-fevral kuni bortida 10 kishi bo‘lgan samolyot Alyaskada g‘oyib bo‘ldi.
11-fevralda esa Arizonadagi aeroportda ikkita samolyot to‘qnashib ketdi. Favqulodda vaziyat oqibatida bir kishi halok bo‘ldi, yana uch kishi jarohat oldi.
12-fevralda AQSH harbiy-dengiz kuchlarining samolyoti San-Diego ko‘rfaziga qulab tushdi. Aviahalokat Nort-Aylend harbiy aviabazasi yaqinida yuz bergan. Samolyot bortida ikki kishi bo‘lgan. Ularni baliq ovlash kemasi qutqarib qolgan.
Izoh (0)