Jizzax viloyatining Arnasoy tumani, “Navro‘z” MFY hududidagi Aydar-Arnasoy ko‘llar tizimi hududida reyd o‘tkazildi. Bu haqda Ekologiya vazirligi xabar berdi.
Maʼlum qilinishicha, reyd davomida Samarqand viloyatining Narpay tumanida yashovchi S. M. va S. S. noqonuniy baliq ovlagani uchun ushlandi.
Tekshiruv davomida qoidabuzarlar yonida 145 kg ga yaqin baliq va baliq ovlash vositalari borligi aniqlandi. Hodisa oqibatida tabiatga yetkazilgan zarar miqdori 487 mln so‘mni tashkil qilgan.
Holat yuzasidan sud organlariga taqdim etish va qonuniy choralar ko‘rish uchun tegishli hujjatlar tayyorlandi.
Noqonuniy baliq ovlash
Avvalroq Aydar-Arnasoy ko‘llarida 2024-yili noqonuniy ov oqibatida tabiatga 1,7 mlrd so‘mlik zarar yetkazilgani haqida xabar berilgandi.
Shuningdek, Navoiyda noqonuniy baliq ovlagan shaxslar tabiatga 6,3 mlrd zarar yetkazgani haqida xabar berilgandi.
Bundan tashqari, Surxondaryo viloyati Sho‘rchi tumanida noqonuniy baliq ovlanishi natijasida tabiatga 1,4 milliard so‘m zarar yetkazilgan edi.
O‘zbekiston hududida 2025-yil 1-sentyabrdan 2028-yil 1-yanvargacha ov qilishga moratoriy joriy qilinishi mumkinligi aytilgandi.
Izoh (0)