Jizzax viloyati Zomin tumanida ilonni tiriklay yegan fuqaro jarimaga tortildi. Bu haqda viloyat Ekologiya boshqarmasi xabar berdi.
-vnaiZVyv.jpg)
Ma’lum qilinishicha, ijtimoy tarmoqlarda kulvor ilonni tiriklay yegan fuqaro haqida video tarqalgandi. Jizzax viloyati Ekologiya boshqarmasi Zomin tumani bo‘limi va IIB xodimlari hamkorligida bu borada o‘rganish ishlari olib borildi va holat fuqaro Q.H. tomonidan sodir etilgani aniqlandi.
Fuqaro bu harakati bilan “Hayvonot dunyosini muhofaza qilish va undan foydalanish to‘g‘risida”gi qonunning 4, 30, 51, 53-moddalari talablarini buzgan.
Davlat inspektorlari tomonidan unga nisbatan Ma’muriy javobgarlik to‘g‘risidagi kodeksning 90-moddasi (ov qilish va baliq ovlash qoidalarini, shuningdek hayvonot dunyosidan foydalanishning boshqa turlarini amalga oshirish qoidalarini buzish) 1-qismi bilan BHMning 20 baravari (7,5 million so‘m) miqdorida jarima qo‘llanildi.
Shuningdek, tabiatga 1 125 000 so‘m miqdorida zarar yetkazilgan deb topildi.
2024-yilning dekabrida Samarqanddagi bog‘cha va maktablarda bolalar xavfsizligiga zid ravishda ilon tomoshalari o‘tkazilgani aniqlangandi. Tomoshalarda foydalanilgan mazkur yo‘lbars pitoni Xalqaro Qizil kitobga kiritilgan. Uzunligi 2,78 metr eni 28 santimetr bo‘lgan ushbu jonzot O‘zbekistonga noqonuniy yo‘l bilan olib kirilgan.
Izoh (1)
Газни эконом килиб хом еган лимити тугагандирда