“Manchester Yunayted” bosh murabbiyi Ruben Amorim jamoaning Yevropa Ligasidagi ishtiroki haqida fikrlarini bildirdi.
Amorim “MYu” o‘tgan hafta Angliya Kubogidan chiqib ketganini eslab o‘tdi.
“Shuning uchun insonlar hozir Yevropa Ligasiga biz yutishimiz mumkin bo‘lgan yagona musobaqa sifatida qarashmoqda. Bundan tashqari, bu turnir YeCHLga chiqish imkonini beradi.
Biroq, rostini aytadigan bo‘lsak, bizda hozir o‘ylash uchun muhimroq narsalar bor. Buni gapirishim g‘alati, ammo biz bu yerda qurmoqchi bo‘lgan narsamiz hozir sovrin yutishdan ancha muhimroqdir.
Bilaman, har birimizda javobgarlik bor. Biz barcha sovrinlar uchun kurashishimiz kerak, ammo biz hozir uzoq istiqbolli narsalar yaratishga harakat qilyapmiz”, – deydi Amorim.
Maʼlumot uchun, Yevropa Ligasining 1/8 finalidan o‘rin olgan “Real Sosyedad” – “Manchester Yunayted” bahsi 6-mart kuni, Toshkent vaqti bilan 22:45 da boshlanadi.
Izoh (0)