“Манчестер Юнайтед” бош мураббийи Рубен Аморим жамоанинг Европа Лигасидаги иштироки ҳақида фикрларини билдирди.
Аморим “МЮ” ўтган ҳафта Англия Кубогидан чиқиб кетганини эслаб ўтди.
“Шунинг учун инсонлар ҳозир Европа Лигасига биз ютишимиз мумкин бўлган ягона мусобақа сифатида қарашмоқда. Бундан ташқари, бу турнир ЕЧЛга чиқиш имконини беради.
Бироқ, ростини айтадиган бўлсак, бизда ҳозир ўйлаш учун муҳимроқ нарсалар бор. Буни гапиришим ғалати, аммо биз бу ерда қурмоқчи бўлган нарсамиз ҳозир соврин ютишдан анча муҳимроқдир.
Биламан, ҳар биримизда жавобгарлик бор. Биз барча совринлар учун курашишимиз керак, аммо биз ҳозир узоқ истиқболли нарсалар яратишга ҳаракат қиляпмиз”, – дейди Аморим.
Маълумот учун, Европа Лигасининг 1/8 финалидан ўрин олган “Реал Сосьедад” – “Манчестер Юнайтед” баҳси 6 март куни, Тошкент вақти билан 22:45 да бошланади.
Изоҳ (0)