Angliya Kubogi 1/32 final uchrashuvlari doirasidagi markaziy o‘yin “Arsenal” – “Manchester Yunayted” o‘rtasida bo‘lib o‘tdi.
12-yanvar, yakshanba oqshomida o‘tkazilgan bahs penaltilar seriyasiga qadar yetib bordi.
Birinchi bo‘limda hisob ochilmagan bo‘lsa-da, bir qator vaziyatlar yuzaga keldi. Uchrashuvdagi dastlabki gol 52-daqiqaga kelib urildi. Alexandro Garnachoning uzatmasidan so‘ng Brunu Fernandesh hisobni ochdi. 61-daqiqada esa Diogu Dalot ikkinchi sariq kartochkani oldi va maydondan chetlatildi.
Birinchi goldan 11 daqiqa o‘tib esa Gabriyel Magalyayns hisobni tenglashtirdi. 70-daqiqada “to‘pchilar” hisobda oldinga chiqib olishi mumkin edi. Biroq Martin Edegor penaltidan gol ura olmadi.
Qo‘shimcha bo‘limlarda ham hisob o‘zgarmadi va navbat penaltilar seriyasiga yetib keldi. Unda Amorim shogirdlarining omadi chopdi va keyingi bosqichga yo‘l oldi.
Izoh (0)