“Manchester Yunayted” Erik ten Hagga o‘rinbosar sifatida 9 nafar murabbiy nomzodini ko‘rib chiqmoqda

Angliyaning “Manchester Yunayted” jamoasi Erik ten Hag o‘rniga 9 nafar nomzodni ko‘rib chiqmoqda.

ESPN nashri xabariga ko‘ra, mankunianliklar rahbariyati hozirgi murabbiyning kelajagi borasida bir qarorga kelmagan. Lekin agar uni iste’foga chiqaradigan bo‘lsa, ehtimoliy nomzodlar ro‘yxatini tuzib chiqqan. 

• Klub Garet Sautgeyt (Angliya terma jamaosi),
• Grem Potter, Roberto de Zerbi (“Brayton”),
• Tomas Frank (“Brentford”),
• Tomas Tuxel (“Bavariya”),
• Xulen Lopetegi,
• Zinedin Zidan, Ruben Amorim (“Sporting”) va
• Yulian Nagelsmann (Germaniya terma jamoasi) variantlarini muhokama qilgan.

Shuningdek, “qizil iblislar”ning xo‘jayinlaridan biri bo‘lgan Jim Retkliff “Tottenhem” ustozi Enj Postekogluni jamoaga o‘tishga ko‘ndirishi ham mumkin. 

“Manchester Yunayted” APL’ning ortda qolgan 28 turidan so‘ng 47 ochko bilan 6-o‘rinda bormoqda.