Ruben Amorim “Manchester Yunayted” bilan shartnoma imzolashga yaqin.
Avvalroq “qizil iblislar” Erik ten Hagni iste’foga chiqargan edi. Uning o‘rniga esa Rud van Nistelroy vaqtinchalik murabbiy etib tayinlangan va rahbariyat yangi murabbiy izlashni boshlagandi.
Insayder Fabrisio Romano mankunianliklar “Sporting”ga murabbiy uchun 10 million tovon puli to‘lashga tayyorligini ma’lum qilgandi.
“Sporting” esa “Manchester Yunayted”dan Amorim uchun rasmiy taklif bo‘lganini tasdiqladi. Portugaliyalik murabbbiy ingliz klubi taklifini qabul qilishga tayyor.
Jurnalist Ben Jeykobsning xabar berishicha, hammasi rejadagidek kechsa, Ruben APLning 10-turidan o‘rin olgan “Chelsi”ga qarshi o‘yinga qadar jamoani qabul qilib oladi.
30-oktyabr kuni bo‘lib o‘tadigan Liga Kubogidan o‘rin olgan “Lester”ga qarshi o‘yinga esa Nistelroy jamoani boshlab tushadi.
Izoh (0)