APLning 19-turidan o‘rin olgan “Manchester Yunayted” – “Nyukasl” uchrashuvi 30-dekabr, dushanba kuni o‘tkazildi.
Isak va Joelintonning gollari mehmonlarga uchrashuvda g‘alaba olib keldi. “Qizil iblislar” bosh murabbiyi Ruben Amorim o‘yindan keyin o‘z fikrlarini bildirdi.
Amorim jamoa yana birinchi bo‘lib gol o‘tkazib yuborganini aytdi.
“Bunday vaziyatlarda siz haqiqatan ham o‘yinga qaytishingiz kerak. Harakat qildik, lekin bunday daqiqalarni yengib o‘tish uchun o‘yin uslubimiz poydevoriga ega emasmiz. Raqib yaxshiroq edi. Ular o‘yinni nazorat qilishdi. Ular hamma narsani jamoa bo‘lib amalga oshirishdi. Futbolchilarimiz ko‘proq individual harakat qilishga urinishdi. Ammo ular harakat qilishyapti”, deydi Amorim.
Mutaxassis o‘yinning 33-daqiqasida Zirkzeni Maynuga almashtirgani haqidagi savolga javob berdi.
“Agar men natijani o‘zgartirish uchun nimadir qila olaman deb o‘ylasam, buni qilaman. Aytganimdek, biror narsani o‘zgartirish uchun qiladigan mehnatimdan ko‘ra ko‘proq futbolchilarning ishonchi evaziga natijaga erisha olamiz. Ayni paytda bizda hech qanday mashg‘ulotlar yoki poydevor yo‘q. Qiyin daqiqalarni boshdan kechirayotganingizda poydevor kerak. Raqib bizdan yaxshiroq o‘ynadi, bu yerda boshqa gap yo‘q”, deydi MYu murabbiyi.
Izoh (0)