Futbol bo‘yicha Yevropa Ligasi guruh bosqichi yakunlanishiga bir tur qolganida, musobaqadan muddatidan avval chiqib ketgan yetti jamoa ma’lum bo‘ldi. Ushbu jamoalar top-24 ga kirish imkoniyatini boy berib, pley-off yo‘llanmasi uchun kurashni davom ettira olmaydi.
Yevropa Ligasi keyingi bosqichiga chiqish imkoniyatini yo‘qotgan jamoalar: “RFSh”, “Slaviya”, “Malmyo”, “Ludogorets”, “Qorabog‘”, “Nitssa” va “Dinamo Kiyev”.
Turnir jadvalida “Latsio” yetakchilik qilmoqda, keyingi o‘rinlarda “Ayntraxt” va “Atletik” joy olgan.
Shuningdek, guruh bosqichi yakunlanishiga bir tur qolganida, pley-off bosqichiga chiqishni kafolatlagan 15 ta jamoa nomi ham ma’lum bo‘ldi: “Latsio”, “Ayntraxt” (Frankfurt), “Atletik”, “Manchester Yunayted”, “Lion”, “Tottenxem”, “Anderlext”, “Styaua”, “Galatasaroy”, “Bude/Glimt”, “Viktoriya”, “Olimpiakos”, “Reynjers”, “AZ Alkmar” va “Yunion”.
Pley-offdagi qolgan to‘qqiz yo‘llanma uchun 14 jamoa kurash olib boradi.
Yevropa Ligasi guruh bosqichining so‘nggi o‘yinlari 30-yanvar kuni bo‘lib o‘tadi. Musobaqaning amaldagi chempioni “Atalanta” finalda “Bayer”ni 3:0 hisobida mag‘lub etishgandi.
Izoh (0)