Toshkent shahar Ichki ishlar bosh boshqarmasida jamoat xavfsizligini hamda kriminogen vaziyatni barqarorligini taʼminlash masalalariga oid tezkor yig‘ilish o‘tkazildi. Bu haqda IIV matbuot xizmati xabar berdi.
Yig‘ilishda davlat rahbarining mahallalarda jinoyatchilikni jilovlash, hududlarda jamoat xavfsizligi va fuqarolar osoyishtaligini taʼminlash, jinoyatchilikni oldini olishda mahallabay va fuqarobay ish tashkil etish borasidagi topshiriqlari, ichki ishlar organlari faoliyatining hisobot davridagi ko‘rsatgichi hamda kelgusida tizim faoliyatini yanada takomillashtirish bo‘yicha belgilangan vazifalarning ijrosi atroflicha muhokama qilindi.
Tadbir jarayonida Toshkentda jinoyatchilikka qarshi kurash masalalari, jamoat xavfsizligi konsepsiyasida belgilangan vazifalarning ijrosi, huquqbuzarliklarni barvaqt oldini olish, xizmat intizomi va qonuniylikka rioya etilishi hamda boshqa yo‘nalishlarda amalga oshirilgan ishlar tanqidiy ko‘rib chiqilib, aniqlangan muammolarni bartaraf etish yuzasidan aniq vazifalar belgilandi.
Yig‘ilishda tashkiliy masala ko‘rildi. Ichki ishlar vazirining buyrug‘i bilan Toshkent shahar Ichki ishlar bosh boshqarmasi boshlig‘i lavozimiga polkovnik Ravshan Sultonxo‘jayev Irkinovich tayinlandi.
Tadbirda ko‘tarilgan muammolar va yechimini kutayotgan masalalar bo‘yicha soha mutasaddilarining taklif va mulohazalari tinglanib, yangi tayinlangan poytaxt IIBB rahbariga tegishli topshiriqlar berildi.
Izoh (0)