Polkovnik Farhod Hasanov Toshkent shahar IIBB boshlig‘ining birinchi o‘rinbosari etib tayinlandi. Bu haqdagi maʼlumot poytaxt IIBB saytiga joylashtirilgan.
Farhod Hasanov tayinlovga qadar Qo‘qon shahar ichki ishlar organlari faoliyatini muvofiqlashtirish boshqarmasi boshlig‘i lavozimida ishlagan.
2024-yilning noyabr oyida Toshkent shahar IIBB boshlig‘ining birinchi o‘rinbosari polkovnik Doniyor Toshxo‘jayev ishdan olingandi.
Shuningdek, IIV Tezkor qidiruv departamenti Jinoyat qidiruv xizmati boshlig‘i — polkovnik Axrorjon Atxamov hamda IIBB Tezkor qidiruv xizmati Jinoyat qidiruv boshqarmasi Uyushgan jinoyatchilikka qarshi kurashish bo‘limi boshlig‘i — podpolkovnik Timur Sobirov lavozimidan ozod etilgan edi.
Noyabr oyida, shuningdek, Abdusalom Azizov DXX raisligidan bo‘shatilgandi. U keyinroq prezidentining ijtimoiy-siyosiy, diniy-maʼrifiy va yoshlar masalalari bo‘yicha maslahatchisining yoshlar masalalari bo‘yicha o‘rinbosari lavozimiga tayinlangan edi.
Izoh (0)