Toshkent shahri Yakkasaroy tumanida qurilish ketayotgan binoda erkak zinadan yiqilib halok bo‘lgani haqida xabar berilgandi. Mazkur qurilish noqonuniy bo‘lib chiqdi.
Qurilish vazirligi bergan ma’lumotga ko‘ra, 2020-yil may oyida mazkur obyektda olib borilayotgan qurilish ishlari Vazirlar Mahkamasining tegishli qaroriga zid ekani aniqlandi. Ya’ni ishlar Toshkent shahar Qurilish va uy-joy kommunal xo‘jaligi sohasida hududiy nazorat qilish inspeksiyasini xabardor qilmagan holda va belgilangan tartibda ro‘yxatdan o‘tmagan tarzda boshlangan.
2020-yil 27-mayda inspeksiya tomonidan qurilish ishlarini to‘xtatish bo‘yicha yozma ko‘rsatma berilgan. Ma’muriy javobgarlikka tortilgan hamda qurilish-montaj ishlari to‘xtatilgan. Lekin 2024-yil 26-aprel kuni olib borilgan qayta tekshiruv jarayonida ishlar davom etayotgani aniqlangan va qurilish mas’ullari chaqirtirilgan. Ammo ular qurilish obyektiga kelmagan va talab qilingan hujjatlar taqdim etilmagan.
Shu sababli mazkur holat yuzasidan mahalla profilaktika inspektori ishtirokida dalolatnoma rasmiylashtirilgan hamda tegishli tekshiruv ishlari yakunlangan. Holatga huquqiy baho berish uchun tegishli huquq-tartibot organlariga da’vo arizalari kiritilgan.
Bugungi kunda Toshkent shahar IIBB huzuridagi tergov boshqarmasi tomonidan ushbu obyekt bo‘yicha jinoyat ishi ochilgan. Shuningdek, obyektda barcha turdagi qurilish va montaj ishlari to‘xtatilgan.
O‘zbekistonliklarning qurilishda halok bo‘lishiga oid so‘nggi holatlar
13-yanvar kuni Sankt Peterburg shahri Primorskiy tumanida o‘zbekistonlik quruvchi 16-qavatdan tushib ketgandi. 30 yoshli o‘zbekistonlik armaturachi hodisa oqibatida halok bo‘lgan.
2024-yil 26-noyabr kuni yana Sankt-Peterburg shahri Murom ko‘chasida qurilish vaqti O‘zbekiston fuqarosi tomdan tushib ketgan. Marhum o‘zbekistonlik 47 yoshli muhojir bo‘lib, qurilish kompaniyasiga montajchi bo‘lib ishga kirgan.
2024-yil 22-noyabr kuni Leningrad viloyatida 20 yoshli o‘zbekistonlik ishchi qurilish maydonchasida ventilyatsiya teshigiga tushib ketib halok bo‘lgan. 3-noyabr kuni Leningrad viloyatida 19 yoshli o‘zbekistonlik quruvchi to‘qqizinchi qavatdan tushib vafot etgandi.
Baxtsiz hodisalar qurbonlari:
- Toshkentdagi “dom”lardan birida sodir bo‘lgan yong‘in oqibatida 74 yoshli fuqaro vafot etdi
- Farg‘onada sex ishchisi bunker bosib qolishi oqibatida halok bo‘ldi
- O‘zbekistonda besh oy ichida sodir bo‘lgan yong‘inlar oqibatida 48 kishi halok bo‘ldi
- Sirdaryoda xizmat safari vaqtida halok bo‘lgan erkakning oilasiga 75 mln so‘m undirib berildi
Izoh (0)