Kino bilan birga musiqada ham iste’dodli bo‘lgan yulduzlar

Agar ko‘ngil ham filmda rol o‘ynashni, ham konsert berishni istasa, qaysi birini tanlash kerak? Ikkalasini ham! Quyidagi qahramonlar shunday qilishdi va yutqazishmadi. Lekin ular uchun ba’zi narsalar birinchi o‘rinda turadi. Faoliyati davomida musiqa yo‘nalishini tanlagan aktyorlarning ijodiy yo‘li haqida hikoya qilamiz.

Uill Smit

Avvaliga Uill Smitning orzusi reper bo‘lish edi. U hatto musiqiy albomlar chiqargan. Afsuski, oxirgi reliz 20 yil oldin bo‘lgan. 2025-yilda aktyor hip-hopga qaytishga qaror qilib, “Beautiful Scars” trekiga klip suratga oldi.

“Stadionlarda konsert berishni orzu qilaman. O‘ylaymanki, kelgusi ikki yil davomida maydonlarda chiqish qilaman, shunda qanchalik hayajonli shou yaratishim mumkinligini namoyish qilaman. Menda sahna ko‘rinishlari, musiqa, aktyorlik mahorati va rekvizitlarni ishlatish bo‘yicha ajoyib g‘oyalar bor — men bu shouni deyarli o‘n yildan beri tasavvur qilib kelaman”.

Mayli Sayrus

Disney’da ishlash katta imkoniyat. Ayniqsa, ham aktrisa, ham qo‘shiqchi bo‘lsang. Mayli Sayrusning karyerasi “Xanna Montana” serialida endigina tanila boshlagan qo‘shiqchi rolini ijro etish bilan boshlangan. Bu serial katta muvaffaqiyat qozondi. Biroq Maylining keyingi filmlari tomoshabinlarini topa olmadi.

“Aktrisa bo‘lish menga yoqmaydi. Aslida o‘zim bo‘lmagan kimsa qiyofasiga kirishni istamayman”, deydi Sayrus.

Bu so‘zlardan keyin yulduz yana film va seriallarda paydo bo‘ldi. Ammo rollari tobora kamayib, chiqishlari ko‘payib borardi. 2024-yilda esa Maylining “Flowers” qo‘shig‘i unga birinchi “Gremmi” mukofotini keltirdi.

Selena Gomes

Disney seriallari va Jastin Biber bilan munosabatlari bilan tanilgan xonandani hali ham eslaysizmi? Hozir Selena Gomesda hammasi joyida: u turmushga chiqmoqchi, katta filmlarda rol o‘ynamoqda va yangi treklar chiqarmoqda. Vaholanki, bir paytlar san’atkor musiqadan voz kechmoqchi bo‘lgan.

“Umid qilamanki, qo‘shiqlarimdan ko‘pchilik zavq oladi va buning uchun juda minnatdorman. Ammo keyingi safar albom chiqarganimda, hammasi boshqacha bo‘ladi, deb o‘ylayman”, deydi u.

Yulduzning 21-mart kuni chiqadigan navbatdagi albomi o‘ziga xos bo‘lishi aniq. Selena uning ustida qallig‘i Benni Blanko bilan birga ishlagan. Orada “Oskar”ga nomzod bo‘lgan “Emiliya Peres” filmida suratga tushdi.

Jonni Depp

Aktyor bolaligidanoq gitara chalishni boshlagan. O‘smirlik chog‘ida Jonni musiqa sabab maktabni tashlab ketgan. Ammo taqdir uni Gollivudga olib keldi. “Qarag‘ayzor ko‘chasidagi qo‘rqinchli tush”, “Edvard — qaychiqo‘l”. “Karib dengizi qaroqchilari” filmlarida unutilmas obrazlar yaratdi. Biroq Ember Xyord bilan ajrashish Deppni kino karyerasini to‘xtatishga majbur qildi va musiqaga qaytishga imkon berdi. 2015-yilda u hali ham gastrol safarlarida bo‘lgan Hollywood Vampires guruhining bir qismiga aylandi. Filmlarda suratga tushish esa u uchun endi hobbi bo‘lib qoldi.

Kino bilan birga musiqada ham iste’dodli bo‘lgan yulduzlar

Mavzuga doir

Izoh (0)

Daryo.uz | Sizning muammoingiz yechimi