Агар кўнгил ҳам фильмда рол ўйнашни, ҳам концерт беришни истаса, қайси бирини танлаш керак? Иккаласини ҳам! Қуйидаги қаҳрамонлар шундай қилишди ва ютқазишмади. Лекин улар учун баъзи нарсалар биринчи ўринда туради. Фаолияти давомида мусиқа йўналишини танлаган актёрларнинг ижодий йўли ҳақида ҳикоя қиламиз.
Уилл Смит
Аввалига Уилл Смитнинг орзуси рэпер бўлиш эди. У ҳатто мусиқий альбомлар чиқарган. Афсуски, охирги релиз 20 йил олдин бўлган. 2025 йилда актёр ҳип-ҳопга қайтишга қарор қилиб, “Beautiful Scars” трекига клип суратга олди.
Майли Сайрус
Дисней’да ишлаш катта имконият. Айниқса, ҳам актриса, ҳам қўшиқчи бўлсанг. Майли Сайруснинг карьераси “Ханна Монтана” сериалида эндигина танила бошлаган қўшиқчи ролини ижро этиш билан бошланган. Бу сериал катта муваффақият қозонди. Бироқ Майлининг кейинги фильмлари томошабинларини топа олмади.
Бу сўзлардан кейин юлдуз яна фильм ва сериалларда пайдо бўлди. Аммо роллари тобора камайиб, чиқишлари кўпайиб борарди. 2024 йилда эса Майлининг “Flowers” қўшиғи унга биринчи “Гремми” мукофотини келтирди.
Селена Гомес
Дисней сериаллари ва Жастин Бибер билан муносабатлари билан танилган хонандани ҳали ҳам эслайсизми? Ҳозир Селена Гомесда ҳаммаси жойида: у турмушга чиқмоқчи, катта фильмларда рол ўйнамоқда ва янги треклар чиқармоқда. Ваҳоланки, бир пайтлар санъаткор мусиқадан воз кечмоқчи бўлган.
Юлдузнинг 21 март куни чиқадиган навбатдаги альбоми ўзига хос бўлиши аниқ. Селена унинг устида қаллиғи Бенни Бланко билан бирга ишлаган. Орада “Оскар”га номзод бўлган “Эмилия Перес” фильмида суратга тушди.
Жонни Депп
Актёр болалигиданоқ гитара чалишни бошлаган. Ўсмирлик чоғида Жонни мусиқа сабаб мактабни ташлаб кетган. Аммо тақдир уни Голливудга олиб келди. “Қарағайзор кўчасидаги қўрқинчли туш”, “Эдвард — қайчиқўл”. “Кариб денгизи қароқчилари” фильмларида унутилмас образлар яратди. Бироқ Эмбер Хёрд билан ажрашиш Деппни кино карьерасини тўхтатишга мажбур қилди ва мусиқага қайтишга имкон берди. 2015 йилда у ҳали ҳам гастрол сафарларида бўлган Hollywood Vampires гуруҳининг бир қисмига айланди. Фильмларда суратга тушиш эса у учун энди ҳобби бўлиб қолди.
Изоҳ (0)