Mashhurlarning farzandi bo‘lish oson emas, ammo yigitlar buning uddasidan chiqmoqda. Ularning har biri ota-onasidan tabiiy chiroyni meros qilib olishi bilan birga o‘ziga xos individuallikka ham ega.
Dikon Filipp — Riz Uizerspunning o‘g‘li
Uizerspunning uch nafar ajoyib farzandi bor, ammo muxlislar qizlarning sevimlisiga aylanib borayotgan 21 yoshli Dikon Filippga ko‘proq qiziqish bildirmoqda. U kelishgan tashqi ko‘rinishi va onasiga juda o‘xshashi sababli ko‘proq omma e’tiborida bo‘lmoqda. Dikon ota-onasining izidan borishga va ijodkor bo‘lishga qaror qilgan. 2020-yilda u shotlandiyalik qo‘shiqchi Nina Nesbitt bilan birga o‘zining birinchi “Long Run” qo‘shig‘ini chiqargan.
Presli Gerber — Sindi Kroufordning o‘g‘li
25 yoshli Presli Uoker Gerber IMG Models nomli moda agentligida faoliyat yuritadi. U AQSHning Readers’ Choice-2018 tanlovida yilning eng yaxshi erkak modeli nominatsiyasida g‘olib bo‘lgan.
Patrik Shvarsenegger — Arnold Shvarseneggerning o‘g‘li
“Terminator”ning o‘g‘li Patrik Janubiy Kaliforniya universitetini tamomlagan. U aktyor, fotomodel va tadbirkor bo‘lib ishlaydi. U Emporio Armani kabi jahonga mashhur brendlar reklamalarida ishtirok etgan.
Kruz Bekhem — Viktoriya va Devid Bekhemlarning o‘g‘li
Kruz Bekhemga qarab uning tashqi chiroyi onadan, sportga bo‘lgan muhabbat otadan o‘tganini ko‘rish mumkin. Bundan tashqari, yigit kuy bastalashni va gitara chalishni ham juda yaxshi ko‘radi. Kruz uchun maxsus ajratilgan musiqa studiyasi bunga misoldir.
Jeyden Smit — Uill Smitning o‘g‘li
Uill Smit o‘g‘liga bolaligidan kino sohasiga kirib kelishida yaqindan yordam berdi. Masalan, Jeyden Smit “Baxt izidan” filmida bosh qahramonning o‘g‘li rolini ijro etgan. Shuningdek, “Eramizdan so‘ng”, “Karatechi yigit” kabi loyihalarda otasi tufayli ishtirok etgan. Hozirda Jeyden eng boy aktyor bolalar ro‘yxatidagi top-20 talikka kiradi.
Dilan Li — Pamela Andersonning o‘g‘li
Dilan Li hozirda taniqli supermodel bo‘lib, dizayner Hedi Sliman uni Saint Laurent brendi vakili sifatida tanlaganidan keyin moda sanoatida shuhrat qozondi. U Vogue jurnalida paydo bo‘lgach ijtimoiy tarmoqlarda muxlislari ko‘paya boshladi. Dilan Acne Studios, Armani Exchange, Coach, Dolce&Gabbana va Hugo Boss kabi yetakchi moda brendlari bilan hamkorlik qilgan. Modellikdan tashqari, yulduz musiqa va aktyorlik san’ati bilan ham shug‘ullanadi.
Charli Oldman — Gari Oldmanning o‘g‘li
Ingliz modeli Charli Jon Oldman Oskar mukofoti sovrindori Gari Oldman va uning uchinchi rafiqasi Donya Fiorentinoning o‘g‘lidir. U 2015-yilda Parijdagi erkaklar moda haftaligi doirasida o‘tkazilgan Sent Laurent ko‘rgazmasida o‘zining chiqishi bilan katta shuhrat qozongan. Shundan so‘ng Charliga ko‘plab hamkorlik takliflari berila boshlagan.
Manolo Gonzales — Sofiya Vergaraning o‘g‘li
Aktyor, rejissyor, ssenariylar muallifi va tadbirkor Manolo Gonzales 1991-yilda tug‘ilgan. U “Mohir chavandoz”, “Vandal” kabi filmlarda suratga tushgan. Oilada yolg‘iz farzand bo‘lgan Manolo hozirda asosan modellik biznesi bilan shug‘ullanadi.
Izoh (0)