O‘zbekiston fuqarosi Sankt Peterburg shahri markazidagi restoranga kelib, cho‘ntagida granata borligini aytdi. Bu haqda 78.ru xabar berdi.
Ma’lumotlarga ko‘ra, hodisa 20-fevral kuni soat 20:00 larda sodir bo‘lgan. 47 yoshli o‘zbekistonlik migrant Belinskiy ko‘chasidagi “Pali” restoraniga kelgan. U cho‘ntagida granata borligini aytgan. Birozdan so‘ng politsiya xodimlariga restoranga kirib, muhojirni qo‘lga olgan.
Huquq-tartibot organlari O‘zbekiston fuqarosi migratsiya ro‘yxatidan o‘tmaganini aniqladi. Migrant harbiy komendatura xodimlariga topshirilgan. Tekshiruv chog‘ida uning yonidan na granata, na portlovchi qurilmalar topilgan.
Shunga o‘xshash holat
2024-yilda Sankt-Peterburg shahrida o‘zbekistonlik erkak Ichki ishlar vazirligining patent berish bo‘limini portlatish bilan tahdid qilgandi. Huquq-tartibot idoralari xodimlari IIV binosi atrofidagi hududni ko‘zdan kechirib, xavfli hech narsa topmagan. Binoni portlatish haqida yolg‘on ma’lumot tarqatgan shaxs 35 yoshli ishsiz O‘zbekiston fuqarosi ekani ma’lum bo‘lgan.
Holat yuzasidan Rossiyaga ishlash maqsadida kelgan migrant qo‘lga olingan. Unga nisbatan terrorchilik akti haqida yolg‘on xabar berish moddasi bo‘yicha jinoiy ish ochilgandi.
Izoh (0)