Rossiyaning Sankt-Peterburg shahri Murom ko‘chasida qurilish vaqti O‘zbekiston fuqarosi halok bo‘ldi. Bu haqda 78.ru manbasi xabar berdi.
Marhum o‘zbekistonlik 47 yoshli muhojir bo‘lib, qurilish kompaniyasiga montajchi bo‘lib ishga kirgan. Qurilish maydonida ishlayotganda u tomdan yiqilib tushgan.
Dastlabki ma’lumotlarga ko‘ra, ishchida himoya vositalari bo‘lmagan. Bundan tashqari, qurilish jarayonida sug‘urta tizimi ham qo‘llanilmagan.
O‘zbekistonliklarning qurilishda halok bo‘lishiga oid so‘nggi holatlar:
22-noyabr kuni Leningrad viloyatida 20 yoshli o‘zbekistonlik ishchi qurilish maydonchasida ventilyatsiya teshigiga tushib ketib halok bo‘ldi.
3-noyabr kuni Leningrad viloyatida 19 yoshli o‘zbekistonlik quruvchi to‘qqizinchi qavatdan tushib halok bo‘lgandi.
Izoh (0)