Ўзбекистон фуқароси Санкт Петербург шаҳри марказидаги ресторанга келиб, чўнтагида граната борлигини айтди. Бу ҳақда 78.ru хабар берди.
Маълумотларга кўра, ҳодиса 20 февраль куни соат 20:00 ларда содир бўлган. 47 ёшли ўзбекистонлик мигрант Белинский кўчасидаги “Пали” ресторанига келган. У чўнтагида граната борлигини айтган. Бир оздан сўнг полиция ходимларига ресторанга кириб, муҳожирни қўлга олган.
Ҳуқуқ-тартибот органлари Ўзбекистон фуқароси миграция рўйхатидан ўтмаганини аниқлади. Мигрант ҳарбий комендатура ходимларига топширилган. Текширув чоғида унинг ёнидан на граната, на портловчи қурилмалар топилган.
Шунга ўхшаш ҳолат
2024 йилда Санкт-Петербург шаҳрида ўзбекистонлик эркак Ички ишлар вазирлигининг патент бериш бўлимини портлатиш билан таҳдид қилганди. Ҳуқуқ-тартибот идоралари ходимлари ИИВ биноси атрофидаги ҳудудни кўздан кечириб, хавфли ҳеч нарса топмаган. Бинони портлатиш ҳақида ёлғон маълумот тарқатган шахс 35 ёшли ишсиз Ўзбекистон фуқароси экани маълум бўлган.
Ҳолат юзасидан Россияга ишлаш мақсадида келган мигрант қўлга олинган. Унга нисбатан террорчилик акти ҳақида ёлғон хабар бериш моддаси бўйича жиноий иш очилганди.
Изоҳ (0)