Rossiyaning Leningrad viloyati Kudrovo shahrida 17-yanvar kuni O‘zbekiston fuqarosiga o‘q uzildi. Bu haqda 78.ru xabar berdi.
Ma’lum qilinishicha, 19 yoshli o‘zbekistonlik yigit tibbiy yordam punktiga murojaat qilgan. Uning bosh qismida jarohat qayd etilgan. Shifokorlar yigitning bo‘yin qismida o‘q joylashganini aniqlagan. Jabrlanuvchi og‘ir ahvolda Aleksandrovsk shifoxonasiga yetkazilgan.
Yigit yuz bergan voqea haqida ma’lumot bergan. Jabrlanuvchiga ko‘ra, Quruvchilar shohko‘chasidagi “Lenta” do‘koni oldida noma’lum shaxs unga qarata o‘q uzgan. Hozirda hodisaning barcha tafsilotlari o‘rganilmoqda, o‘q uzgan shaxs qidirilmoqda.
