Joriy yilning 27-yanvar kuni prezident Shavkat Mirziyoyev boshchiligida “Atrof-muhitni asrash va “yashil iqtisodiyot” yili davlat dasturi loyihasi yuzasidan o‘tkazilgan yig‘ilishda “Yashil makon” dasturi doirasida har yili amalga oshirilayotgan ishlarga alohida to‘xtalib, bu borada bu yil belgilangan rejalar bo‘yicha zarur topshiriqlar qo‘yilgan edi.
Ushbu topshiriqlar ijrosini ta’minlash, qolaversa, daraxt ekish bо‘yicha bahor mavsumida tadbirni amalga oshirish maqsadida “Hududiy elektr tarmoqlari” AJ tasarrufidagi filial va korxonalarda kо‘kalamzorlashtirish ishlari jadal sur’atlarda olib borilmoqda.
-vZHcCxJa.jpg)
Qayd etish lozimki, joriy yilda Jamiyat tomonidan respublika bо‘ylab, loyiha doirasida 2025-yil davomida jami 30 gektar yer maydoniga 125.000 tup daraxt kо‘chatlari ekilishi rejalashtirilgan bо‘lib, bahor mavsumida 70 ming kо‘chat ekish kо‘zda tutilgan.
Ajratilgan yer maydonining 20 gektariga ekilgan kо‘chatlar tomchilatib sug‘orish tizimi orqali sug‘oriladi.
-cMpdIexy.jpg)
Shuni alohida ta’kidlash joizki, daraxt kо‘chatlari hududlarning iqlim sharoitidan kelib chiqib, bog‘lar hosil qilish va kо‘kalamzorlashtirishni nazarda tutgan holda tanlab olinmoqda. Bu borada tegishli takilotlar tavsiyasi bilan suvsizlik va kasallikka chidamli gujum, qayrag‘och, katalpa, akatsiya, zarang, shumtol, tut, jiyda, yong‘oq, terak kabi daraxt novdalari ekilishi belgilangan.
Yurtimiz bо‘ylab davom etayotgan umummilliy loyihada jamiyat xodimlari birdek faol ishtirok etmoqda. Bu tashabbuslari bilan mamlakatimiz atrof-muhit va atmosfera havosining musaffoligini saqlanishiga о‘z hissalarini qо‘shishmoqda.
Ekilgan daraxtlarni sug‘orish va parvarish ishlarini olib borilishi ham alohida nazoratga olingan. Xususan, yosh novdalar agrotexnik talablar asosida parvarish qilinadi, mineral va organik о‘g‘itlar bilan oziqlantirilib, zararkunandalardan himoya qilib boriladi.
Izoh (0)