Toshkent—Xojikent—Toshkent yo‘nalishida yangi tezyurar elektropoyezd yo‘lga qo‘yilgandi. Shavkat Mirziyoyev 6-dekabr kuni ushbu poyezdga chiqib, harakatlanishi va qulayliklarini ko‘rdi.
Prezident matbuot xizmatining xabar qilishicha, vagonlar shinam va yorug‘, yo‘lovchilar uchun qulay. O‘rindiqlar soni 586 ta. Ma’lumot tablolari va yong‘in xavfsizligi tizimi o‘rnatilgan. Poyezd soatiga 120 kilometrgacha tezlikka chiqa oladi. Har bir tarafga kuniga uchtadan qatnov yo‘lga qo‘yiladi.
-cQG8uMqx.jpg)
Safar chog‘ida davlat rahbari temiryo‘l infratuzilmasini rivojlantirish, yo‘lovchilar uchun sharoitlarni yaxshilash, temiryo‘llarni elektlashtirish va ularga tutash hududlarni obodonlashtirish bo‘yicha mutasaddilarning hisobotlarini tingladi.
Toshkent va Xojikent oralig‘idagi temiryo‘lga tutash maydonlarni 2025-yilgi renovatsiya dasturiga kiritib, ularni tartibga keltirishga ko‘rsatma berildi. Yo‘nalishdagi egri qismlarni to‘g‘ri qilib qayta qurish orqali kunlik ekspress poyezdlar qatnovini ko‘paytirish va ko‘proq yo‘lovchilarga xizmat ko‘rsatish uchun sharoit yaratish topshirildi.
“Yashil makon” loyihasi doirasidagi ishlar ham muhokama qilindi. Temir yo‘l chetlarini ko‘kalamzorlashtirish, suv resurslari cheklangan hududlarda xorijiy tajriba asosida qurg‘oqchilikka chidamli o‘simliklarni ekish, chet eldan faqat mahalliy iqlimimizga mos bo‘lgan ko‘chatlarni keltirish zarurligi qayd etildi.
Toshkent—Xojikent—Toshkent yo‘nalishida qatnovchi yangi tezyurar elektropoyezd
-toXoQCOU.jpg)
-0ivnUVCc.jpg)
Tezyurar elektropoyezdlar quyidagi jadval asosida harakatlanadi:
- 7201-sonli Toshkent—Xojikent: Toshkent 06:18 — Xojikent 07:42
- 7202-sonli Xojikent—Toshkent: Xojikent 08:02 — Toshkent 09:17
- 7203-sonli Toshkent—Xojikent: Toshkent 12:53 — Xojikent 14:03
- 7204-sonli Xojikent—Toshkent: Xojikent 14:33 — Toshkent 15:48
- 7205-sonli Toshkent —Xojikent: Toshkent 18:10 — Xojikent 19:20
- 7206-sonli Xojikent—Toshkent”: Xojikent 19:45 — Toshkent 21:03
Toshkent bo‘linmasining yagona hudud chipta narxi umumiy 20 000 so‘m, bolalar uchun: 11 500 so‘m etib belgilandi. Odatdagi jadval asosida qatnab kelayotgan elektropoyezdlarning qatnov vaqtlari o‘z o‘rnida qoladi va jadval asosida qatnovlarini davom ettiradi.
Izoh (0)