Жорий йилнинг 27 январь куни президент Шавкат Мирзиёев бошчилигида “Атроф-муҳитни асраш ва “яшил иқтисодиёт” йили давлат дастури лойиҳаси юзасидан ўтказилган йиғилишда “Яшил макон” дастури доирасида ҳар йили амалга оширилаётган ишларга алоҳида тўхталиб, бу борада бу йил белгиланган режалар бўйича зарур топшириқлар қўйилган эди.
Ушбу топшириқлар ижросини таъминлаш, қолаверса, дарахт экиш бўйича баҳор мавсумида тадбирни амалга ошириш мақсадида “Ҳудудий электр тармоқлари” АЖ тасарруфидаги филиал ва корхоналарда кўкаламзорлаштириш ишлари жадал суръатларда олиб борилмоқда.
-vZHcCxJa.jpg)
Қайд этиш лозимки, жорий йилда Жамият томонидан республика бўйлаб, лойиҳа доирасида 2025 йил давомида жами 30 гектар ер майдонига 125.000 туп дарахт кўчатлари экилиши режалаштирилган бўлиб, баҳор мавсумида 70 минг кўчат экиш кўзда тутилган.
Ажратилган ер майдонининг 20 гектарига экилган кўчатлар томчилатиб суғориш тизими орқали суғорилади.
-cMpdIexy.jpg)
Шуни алоҳида таъкидлаш жоизки, дарахт кўчатлари ҳудудларнинг иқлим шароитидан келиб чиқиб, боғлар ҳосил қилиш ва кўкаламзорлаштиришни назарда тутган ҳолда танлаб олинмоқда. Бу борада тегишли такилотлар тавсияси билан сувсизлик ва касалликка чидамли гужум, қайрағоч, каталпа, акация, заранг, шумтол, тут, жийда, ёнғоқ, терак каби дарахт новдалари экилиши белгиланган.
Юртимиз бўйлаб давом этаётган умуммиллий лойиҳада жамият ходимлари бирдек фаол иштирок этмоқда. Бу ташаббуслари билан мамлакатимиз атроф-муҳит ва атмосфера ҳавосининг мусаффолигини сақланишига ўз ҳиссаларини қўшишмоқда.
Экилган дарахтларни суғориш ва парвариш ишларини олиб борилиши ҳам алоҳида назоратга олинган. Хусусан, ёш новдалар агротехник талаблар асосида парвариш қилинади, минерал ва органик ўғитлар билан озиқлантирилиб, зараркунандалардан ҳимоя қилиб борилади.
Изоҳ (0)