Россия АҚШда ишлаб чиқилаётган гипертовушли ракета лойиҳасини ўғирлашга эришди, дея маълум қилди АҚШ президенти Дональд Трамп.
Унинг айтишича, бу воқеа 2009 ва 2017 йиллар оралиғида, АҚШнинг собиқ президенти Барак Обама Оқ уйда бўлган даврда содир бўлган.
Россия лойиҳани ўғирлади, улар буни биздан олишди. Қандайдир ёвуз кимса уларга супер гипертовушли ракета лойиҳасини берди, деди Трамп Fox Newsъга берган интервьюсида.
Бироқ у АҚШ барибир ўзининг “ўта кучли товушли” ракеталарига эга бўлишини ва улар “Россия вакиллари ўғирлаган чизмалардан ҳам бир поғона устун” бўлишини таъкидлади. Трамп бундай ракеталарни яратиш ишлари тез орада бошланишини ваъда қилди. Шунингдек, у келажакдаги урушлар жанг майдонларида эмас, балки ҳавода олиб борилишини, шу боис дронларнинг аҳамияти жуда муҳимлигини қайд этди.
Аниқланишича бу Трампнинг Россияни гипертовушли ракета лойиҳасини ўғирлашда биринчи айблови эмас. 2020 йилда АҚШ етакчиси Москвада “тезлиги оддий ракетадан 5 баравар юқори бўлган ўта кучли товушли ракета” мавжудлигини айтган эди. Ўшанда ҳам у Россия Обама маъмурияти даврида бу ишланма ҳақида маълумот олганини таъкидлаган.
Трамп, шунингдек, 2023 йилги сайловолди кампаниясидаги митинглардан бирида ўз айбловларини яна такрорлаган. Кремль бунга жавобан Россиянинг “ўзининг ажойиб ракетаси” борлигини маълум қилди.
Бизнинг ракетамиз жаноб Трампнинг ўта-ўта тушунчасига мос келадими-йўқми, айтишим қийин, аммо у дунёда ҳали ўхшаши йўқ ажойиб ракета, деди Россия президенти матбуот котиби Дмитрий Песков.
Россия президенти Владимир Путин 2024 йилнинг декабрь ойида Қўшма Штатларга Киевга “Орешник” тизимидаги ракета билан зарба бериб, “XXI аср юқори технологияли дуэли”ни ўтказишни таклиф қилган эди.
Агар Ғарб мутахассислари “Орешник” зарбасини қайтариш мумкин, деб тахмин қилса, у ҳолда улар бизга ва Ғарбда, АҚШда уларга маблағ ажратадиган шахсларга XXI асрнинг юқори технологияли дуэли сифатида муайян технологик тажриба ўтказишни таклиф этишсин. Улар, айтайлик, Киевда мағлубиятга учрайдиган бирор объектни аниқласин, у ерга ўзларининг барча ҳаво мудофааси ва ракетага қарши мудофаа кучларини жамласин, биз эса у ерга “Орешник” билан зарба берамиз. Кўрамиз, нима бўлади. Биз бундай тажрибага тайёрмиз. Бошқа томон тайёрми?, деган Россия етакчиси.
Унинг қўшимча қилишича, “бу Россия учун ҳам, Америка томони учун ҳам фойдали бўлади”. Шунингдек, Путин “Орешник” “замонавий ва мутлақо янги қурол” эканлигини таъкидлади.
“Орешник” ракета тизими
Путин 21 ноябрь куни Украинадаги объектга баллистик ракета зарбаси берилганини тасдиқлаган эди.
Унинг сўзларига кўра, синовлар муваффақиятли ўтган, армия кўзланган мақсадга эришган: “Днепропетровскда Совет иттифоқи давридан бери энг йирик ва машҳур саноат мажмуаларидан бири бўлган, бугунги кунда ракета технологиялари ва бошқа қуроллар ишлаб чиқарадиган Южмаш заводи зарар кўрган”.
“Шу пайтдан бошлаб, биз бир неча бор таъкидлаганимиздек, аввалроқ Ғарб томонидан қўзғатилган Украинадаги минтақавий можаро глобал миқёсда тус олди”, деди Россия етакчиси.
Изоҳ (0)