Qani edi bank kartamizdagi pullar tugamasa, deb orzu qilgan odamlar kam emas, ammo bugungi qahramonlarda shunday sehrli istakni amalga oshirish imkoniyati bo‘lsa ham, qimmatbaho buyumlarni xarid qilishga shoshilmaydi. Quyida mo‘may daromad topishiga qaramay, kamtarona hayot tarzini tanlagan mashhurlar haqida so‘z yuritamiz.
1. Kianu Rivz
Kianuning ekrandagi yorqin rollari unga butun umrga yetgulik boylik olib kelgan, lekin pul aktyorning insoniylik jihatiga putur yetkazmagan. Kianu kichik kvartirada yashaydi va yillar davomida bir xil kiyimlarda yurishdan uyalmaydi. Bundan tashqari, aktyor hisobidagi katta miqdordagi pullarni xayriya ishlariga yo‘naltirilishi barchaga ma’lum. Parkdagi skameykada o‘tirgan, daydi kabi ko‘ringan qayg‘uli Kianu haqidagi memlar shunchaki hazil emas, balki uning haqiqiy kamtar hayot tarzidan namunadir.
2. Ed Shiran
Ed Shiran dunyodagi eng badavlat musiqachilar qatoriga kiradi, lekin u o‘z boyligini namoyish etmaydi. Xonanda oylik sarf-xarajatlarini ming dollardan oshirmaslikni o‘zi uchun qoida qilib olgan. Musiqachining hisobida bir nechta uy va kvartiralar bor, ularning barchasi ijaraga beriladi. Shiran yangi kiyimlarni oddiy do‘konlardan yoki chegirma bilan xarid qilishdan tortinmaydi.
3. Kira Naytli
“Karib dengizi qaroqchilari” filmi yulduzi yiliga 50 ming dollardan ortiq xarajat qilmaslikni o‘zi uchun belgilab olgan. Bunday miqdor aktrisaning yillik daromadining juda kam qismini tashkil qiladi. Kiraning so‘zlariga ko‘ra, bunday yondashuv unga mashhur bo‘lmagan do‘stlaridan uzoqlashmaslikka yordam beradi.
4. Jennifer Lourens
Uzoq yillar davomida Gollivudning eng yuqori maosh oluvchi aktrisalaridan biri bo‘lgan Jennifer Lourens pulni tejamkorlik bilan sarflashni yaxshi biladi. U o‘z boyligini isrofgarchilikka ketishini yoqtirmaydi. Lourens yashaydigan uyning taxminiy narxi atigi 879 ming dollar. Aktrisa kundalik hayotda oddiy do‘konlardan kiyim sotib oladi va qimmatbaho xaridlarga pul ketkazishni o‘ziga ep ko‘rmaydi.
5. Sara Jessika Parker
Sara bolaligida qiyinchilik bilan kun kechirgani uchun o‘z farzandlarini ham kamtarona ruhda tarbiyalaydi. Intervyulardan birida u o‘g‘lini yoshi katta qarindoshlarining kiyimlarini kiyishini aytgan, chunki yaxshi holatda bo‘lgan buyumlarni tashlab yuborishdan ma’no yo‘q, deb hisoblaydi. Bularga qaramay, Parkerning umumiy boyligi 100 million dollar deb baholanadi.
6. Sandra Bullok
Sandra Bullok ham hashamatsiz va oddiy hayot tarafdori. Aktrisa bir necha marta turli jamg‘armalarga katta pul xayriya qilgan va ikki nafar bolani asrab olib, hozirda ularga oddiy uyda g‘amxo‘rlik qilib kelmoqda.
7. Jennifer Garner
Jennifer Garner ham mass market kabi oddiy do‘konlardan xarid qilishga o‘rgangan. Aktrisa hatto qo‘riqchilar xizmatidan foydalanmaydi va jamoat joylarida farzandlari bilan birga yuradi. Uning asosiy transport vositasi esa velosipeddir.
8. Rassel Krou
Rassel Krou Los Anjelesga ish joyi sifatida qaraydi. Hozirda u Avstraliyada fermasi bor va asosiy vaqtini oilasi bilan o‘sha uyda o‘tkazadi. AQSHga esa faqat suratga tushish ishlari uchun kelib turadi.
9. Tobi Maguayer
Tobi Maguayerning bolaligi qiyinchiliklarga to‘la bo‘lgan. Uning uchun hayotidagi eng muhim narsa oiladir. Hozirda o‘rgimchak odam qahramoni kichik uyda yashaydi va faqat hayot uchun zarur narsalarni sotib olishni afzal ko‘radi.
10. Mark Ruffalo
Mark Ruffalo mashhur va muvaffaqiyatli bo‘lgunga qadar, qiyin hayotni boshidan kechirgan. O‘rta yoshida — hayotining eng gullagan paytida unga bosh miya o‘simtasi tashxisi qo‘yilgach, u hashamatli turmush tarzidan voz kechgan va oilasiga e’tiborini qaratgan.
Izoh (0)