Isroil va Livan o‘rtasidagi sulh bitimi 27-noyabr kuni rasman kuchga kirdi.
Isroil bosh vaziri devonining maslahatchisi Dmitriy Gendelmanning qayd etishicha, yahudiy davlati “Hizbulloh”ning har qanday hujumiga zudlik bilan javob berish huquqini saqlab qoladi.
G‘arb ommaviy axborot vositalari tomonidan e’lon qilingan kelishuv bandlaridan kelib chiqqan holda, o‘zini himoya qilish imkoniyati ham qarama-qarshi tomonga yuklangan. Isroil hukumati hozircha shimoliy hududlar aholisiga uyga qaytmaslik tavsiyasini saqlab qolishga qaror qildi.
“Isroil o‘z armiyasi va suveren hududiga qarshi har qanday hujumga zudlik bilan javob qaytarish huquqini o‘zida saqlab qoladi”, dedi Gendelman Livanda kuchga kirgan o‘t ochishni to‘xtatish kelishuvini sharhlar ekan.
Shu bilan birga, bosh vazir maslahatchisi Isroilning shimoliy chegarasi yaqinida joylashgan hududlarining tinch aholisiga uylariga qaytishlari uchun hozirda alohida tavsiyalar mavjud emasligini ta’kidlagan.
“Hukumatning 17-sentyabrdagi qaroriga ko‘ra, urushning maqsadlaridan biri barcha evakuatsiya qilinganlarning o‘z uylariga xavfsiz qaytishidir va bunga albatta erishiladi”, dedi u.
Makzur sulh Isroil armiyasi bo‘linmalari Livan hududiga taxminan 10 km oldinga siljish paytida e’lon qilindi.
Sulh mazmuni
Sulh Livandagi BMT muvaqqat kuchlari ko‘magida Livan armiyasining janubiy chegara bo‘ylab uchastkalarni bosqichma-bosqich nazorat qilishni nazarda tutadi. O‘z navbatida, Isroil ikki oy ichida Livandan o‘z harbiylarini olib chiqishi shart. “Hizbulloh” BMT Xavfsizlik kengashining 1701-rezolyutsiyasiga muvofiq Livanning janubidagi ishtirokini to‘xtatib, Litani daryosining shimolidan chekinishi kerak bo‘ladi.
26-noyabr kuni Isroil harbiy-siyosiy mahkamasi bosh vazir Binyamin Netanyaxu tomonidan tuzilgan “Hizbulloh” bilan o‘t ochishni to‘xtatish rejasini tasdiqladi. AQSH prezidenti Jo Bayden kelishuv Vashington tashabbusi bilan erishilganini aytdi.
Kelishuv, shuningdek, Isroil armiyasining mahalliy fuqarolarga “xavfsizlik uchun” chegara bo‘ylab evakuatsiya qilingan shahar va qishloqlarga bormaslik haqidagi rasmiy ko‘rsatmalariga zid ravishda sodir bo‘ldi.
Livandagi ko‘chirilgan aholining optimizmi asosan mahalliy siyosatchilar tomonidan rag‘batlantirildi. Tinchlik muzokaralarida “Hizbulloh” nomidan qatnashgan parlament spikeri Nabih Berri fuqarolarni janubiy hududlarga, “o‘z yurtlariga” qaytishga chaqirdi.
Isroil mudofaa vaziri Isroil Katsning ta’kidlashicha, harbiylar imkon qadar qattiqqo‘l harakat qilish, xususan, “sanitariya zonasi”ni buzganlar xavf tug‘dirishi mumkin bo‘lgan taqdirda ularni otib o‘ldirish huquqiga ega.
Falastinning HAMAS harakati vakillari ham ushbu xabarga ijobiy munosabat bildirdi.
“Umid qilamizki, bu kelishuv G‘azoda xalqimizga qarshi qirg‘in urushini tugatishga olib keladigan kelishuvga erishish uchun yo‘l ochadi”, dedi harakat vakili Sami Abu Zuhriy.
HAMAS G‘azoda o‘t ochishni to‘xtatish bo‘yicha harakatlarga ochiqligini tasdiqladi. Harakatning ismini oshkor etmagan vakili Isroilni kelishuvga to‘sqinlik qilishda aybladi.
Izoh (0)