900 mingga yaqin livanlik Isroil va Hizbulloh harakati o‘rtasidagi janglar tufayli uylarini tark etishga majbur bo‘ldi.
Bu haqda BMTning Livandagi Gumanitar masalalarni muvofiqlashtirish boshqarmasi (OCHA) ma’lum qildi.
Departament hisobotida qayd etilishicha, BMT Xalqaro migratsiya tashkiloti ekspertlari o‘z uylarini tashlab ketgan aholi sonini 896,3 ming kishini tashkil etadi, ularning 51 foizga yaqini ayollardir.
OCHA maʼlumotlariga ko‘ra, Livan bo‘ylab ko‘chirilganlar uchun 1173 ta vaqtinchalik boshpana mavjud bo‘lib, ulardan 975 tasi to‘liq band. Ularda taxminan 188 ming kishi bor.
Avvalroq BMTning Livandagi Gumanitar masalalarni muvofiqlashtirish boshqarmasi 2024-yil gumanitar xodimlar uchun eng halokatli yil bo‘lganini ma’lum qilgandi.
Joriy yilda jami 281 nafar gumanitar xodim halok bo‘lgan, ularning o‘limining asosiy sababi Yaqin Sharqdagi ziddiyatning kuchayishi bilan bog‘liq. 2023-yilda halok bo‘lgan gumanitar xodimlar soni 280 nafarni tashkil qilgandi.
“2024-yil dunyodagi eng qiyin sharoitlarda ishlaydigan gumanitar xodimlar uchun eng fojiali yil bo‘ldi”, dedi OCHA vakili Yens Lerke Jenevada bo‘lib o‘tgan brifingda.
Bundan tashqari, Afg‘oniston, Kongo Demokratik Respublikasi, Janubiy Sudan, Sudan, Ukraina, Yaman va boshqa mamlakatlarda zo‘ravonlik hamda tahdidlarning yuqori darajasi qayd etilgan.
Izoh (0)