Eronning 13-aprel kuni Isroilga hujumi munosabati bilan Misr, Iordaniya va Livan havo hududini yopdi. Isroilning Ben Gurion aeroporti ham vaqtincha yopildi, deya Deutsche Welle xabar berdi.
Reuters nashriga ko‘ra, Iordaniya o‘z havo hududini buzgan Eron dronlari va Tehron uchirayotgan boshqa samolyotlarni urib tushirishga tayyor. Isroil OAVlari mamlakat Iordaniya va Suriya osmonida Erondan uchayotgan dronlarni tutib olishga kirishganini ta’kidlagan.
O‘z navbatida, Federal havo transporti agentligi Rossiya aviakompaniyalariga 14-aprel ertalabgacha Isroil, Iordaniya va Iroq havo hududidan foydalanishni taqiqlagan. Rossiyadan ushbu davlatlarga parvozlar cheklovlar bekor qilinmaguncha to‘xtatilgan.
Avvalroq, Qatar va Kuvayt hukumatlari Qo‘shma Shtatlarga o‘z bazalari va havo kengliklaridan Eronga qarshi har qanday ehtimoliy harbiy harakatlar uchun foydalanishni taqiqlovchi qonun imzolagan edi
Bundan tashqari, Fors ko‘rfazi mamlakatlari AQSH tomonidan Eronga qarshi potensial harbiy amaliyotlar uchun o‘z havo kengliklaridan foydalanishni taqiqlagan. Dengiz hududidan foydalanish borasida esa hech qanday muhokama bo‘lmagan.
Izoh (0)