Livan poytaxtining markaziy qismidagi to‘rtta mahalla aholisiga Isroil harbiy-havo kuchlarining “Hizbulloh” tashkiloti nishonlariga zarba berishi munosabati bilan zudlik bilan xavfsiz joyga ko‘chib o‘tish tavsiya qilindi.
Isroil armiyasi matbuot kotibi xabar berganidek, havo hujumlari Ras-Beyrut, Kornish-Mazraa, Mseytbe va Zuqaq al-Blat mahallalariga qarata amalga oshiriladi. Uning ta’kidlashicha, zarbalar “Hizbulloh”ning Livandagi faoliyatiga homiylik qiluvchi Al-Qard Al-Hassan moliya-kredit assotsiatsiyasi ofislari joylashgan binolarga beriladi.
“Oilalaringiz xavfsizligi uchun bu hududlardagi uylarni zudlik bilan tark etishingiz va ulardan kamida 500 metr uzoqlikda turishingiz kerak”, deyiladi xabarda.
U, shuningdek, Isroil armiyasi tez orada Bayrut janubidagi quruqlikdagi nishonlarga qarshi intensiv operatsiyalarni boshlashini qo‘shimcha qildi.
Isroil bosh vaziri Binyamin Netanyaxu Livanning “Hizbulloh” harakati bilan o‘t ochishni to‘xtatish bo‘yicha ehtimoliy kelishuvni ma’qullagani haqida xabar berilgan edi.
“Netanyaxu Isroil rasmiylari bilan xavfsizlik bo‘yicha maslahatlashuvlar chog‘ida “Hizbulloh” bilan o‘t ochishni to‘xtatish bo‘yicha kelishuvni oldindan maʼqulladi”, deyiladi bayonotda.
Qayd etilishicha, kelishuv xulosasi kechiktirilishi mumkin, chunki ba’zi tafsilotlar hali ham muhokama qilinmoqda.
Umuman olganda, telekanal manbalariga ko‘ra, muzokaralar kelishuv bilan yakunlanishi mumkin.
Noyabr oyi boshida Isroilning Kan davlat teleradiokompaniyasi Isroil va “Hizbulloh” o‘rtasidagi Amerika kelishuv loyihasini e’lon qilgan edi, unga ko‘ra janubiy Livan faqat mamlakat qurolli kuchlari va BMT tinchlikparvar kuchlari tomonidan nazorat qilinadi va Isroil armiyasi sulh tuzilgandan keyin yetti kun ichida o‘z qo‘shinlarini bu yerdan butunlay olib chiqadi. Isroil bosh vazirining maslahatchisi Dmitriy Gendelmanga ko‘ra, agar Livan isroilliklarning o‘z uylariga xavfsiz qaytishi bo‘yicha yahudiy davlatining barcha shartlarini qabul qilsagina, Tel-Aviv bitim tuzishga rozi bo‘ladi.
Izoh (0)