Livandagi “Hizbulloh” harakatining Isroil shimoliga bergan zarbalari oqibatida shu paytga qadar 17 nafar isroillik askar halok bo‘lgan. Bu haqda Isroil manbalariga asoslanib, IRNA nashri xabar berdi.
Xabarda aytilishicha, 8-oktyabrdan beri “Hizbulloh” guruhi Isroil shimoliga 30 dan ortiq hujum tashkil etgan. Hududdagi mahalliy isroilliklar mamlakat ichkarisiga evakuatsiya qilingan.
Harbiy harakatlar davomida Livan guruhi Tel-Aviv hududiga 3500 ga yaqin raketa uchirgan. Shu bilan birga, Suriya hududidan ham okkupatsiya qilingan Falastin shimoliga shu paytga qadar jami 38 raketa yo‘naltirilgan.
Isroil harbiylari halok bo‘lgan harbiylar sonini 17 nafar deb belgilagan. Yaralanganlar haqida maʼlumot taqdim etilmagan.
Livanning Al-Manar nashriga ko‘ra, so‘nggi kecha-kunduzda qarshilik guruhi ikki aholi punktida isroillik askarlarni raketalar bilan nishonga olgan. Shuningdek, ular Livan bilan chegarada joylashgan Al-Bag‘dodiy hududida Isroil zirhli mashinalarini yo‘q qilgan.
“Hizbulloh” asosan Isroilning harbiy pozitsiyalari va josuslik inshootlarini nishonga olganini, rejim G‘azoga qarshi qonli urushni to‘xtatmaguncha operatsiyani davom ettirishini qayta-qayta taʼkidlagan.
Izoh (0)