Serbiya prezidenti Aleksandr Vuchich Rossiya prezidenti Vladimir Putinning Rossiya Federatsiyasini himoya qilish uchun barcha turdagi qurollardan foydalanish niyatiga shubha bilan qaramaslikka chaqirdi.
U barcha tomonlar sulh haqida gapirishdan bosh tortgani sababli vaziyat falokat tomon ketayotganidan ogohlantirdi.
“Agar siz Rossiyadagi istalgan nishonga zarba berish javobsiz qoladi, Putin o‘zi zarur deb bilgan barcha turdagi qurollardan foydalanmaydi, deb o‘ylayotgan bo‘lsangiz, siz yo Putinni yaxshi tanimaysiz yoki aqldan ozgansiz”, dedi Vuchich. "Putin yadroviy zarba bo‘yicha hazillashmayapti, biz, afsuski, asta-sekin falokatga yaqinlashmoqdamiz", deya qo'shimcha qildi u.
Joriy haftada AQSH prezidenti Jo Bayden Ukrainaga Rossiya hududidagi nishonlarga zarba berish uchun uzoq masofali ATACMS raketalaridan foydalanishga ruxsat bergani maʼlum bo‘ldi.
Keyinchalik ommaviy axborot vositalarida Britaniyaning Storm Shadows raketalari bilan ham hujum qilishga ruxsat berilgani, ularning masofasi modifikatsiyaga qarab 560 km ga yetishi mumkinligi haqida xabar berildi.
Rossiya Mudofaa vazirligi so‘nggi kunlarda ATACMS va Storm Shadow raketalarining hujumlari qaytarilganini ma’lum qilgan.
19-noyabr kuni Vladimir Putin yangilangan yadroviy doktrinani tasdiqladi. Yangi doktrinaga ko‘ra, Rossiyaga qarshi G'arbning yadroviy bo'lmagan raketalari qo‘llansa, Rossiya bunga javoban yadroviy zarba berishi mumkin.
Shuningdek, doktrinada yadroviy davlat ko'magida yadroviy bo'lmagan davlatning hujumi qo'shma hujum sifatida baholanishi belgilangan.
Izoh (0)