22-may kuni “Yevrovideniye” tanlovining final bosqichi bo‘lib o‘tdi. Unga ko‘ra Italiya birinchi, Fransiya ikkinchi, Shveysariya esa uchinchi o‘ringa loyiq deb topilgan. Tanlovdagi eng yorqin chiqishlari bilan esda qolgan ishtirokchilar haqida ma’lumot berib o‘tamiz.
Elena Sagrinu — El diablo (Kipr)
1994-yil Afinada dunyoga kelgan Elena 14 yoshida “Greece Got Talent” tanlovining yarim finaligacha yetib borgan. 2013-yildan OtherView guruhida 5 yil faoliyat yuritganidan keyin yakkaxon ijod qilishga qaror qilgan.
Anjela Peristeri — Karma (Albaniya)
35 yashar Anjela nafaqat xonandalik, balki qo‘shiq muallifi va model sifatida ham yaxshi ma’lum bo‘lgan. U bir qancha tanlovlar, xususan, “Festivali i Kenges”, “Kenga Magjike”, iste’dodlilar shousi “X Factor Greece” hamda “Albaniya go‘zali”da ishtirok etgan.
Eden Alene — Set Me Free (Isroil)
Ayni vaqtda 20 yoshda bo‘lgan isroillik xonanda karyerasini 2017-yilda boshlagan va “X Factor” shousida g‘olib bo‘lgan. 2018-yildagi “Better” qo‘shig‘i yanada mashhurlikka erishishiga hissa qo‘shgan.
Hooverphonic — The Wrong Place (Belgiya)
1995-yilda oktabrda tashkil qilingan “Hooverphonic” triosi faoliyati davomida uch marta albom taqdim qilish hamda Belgiyaning musiqiy chartlarini zabt etishga ulgurgan.
Manija — Russian Woman (Rossiya)
Manija Dalerovna Sangin 1991-yil 8-iyunda Dushanbeda dunyoga kelgan. Karyerasini 2003-yilda boshlagan xonanda bir necha tanlovlarda g‘oliblikka erishgan. Shuningdek, u BMTning qochqinlar bo‘yicha oliy komissarligining ko‘ngilli elchisi hisoblanadi va Rossiyada amalga oshiriladigan bir qancha loyiha va tadbirlarida ishtirok etadi.
Destiny — Je Me Casse (Malta)
9 yoshidan qo‘shiq kuylashni boshlagan Destiniga haqiqiy omad bolalar “Yevrovideniye”sida ishtirokida kelgan. U tanlovda to‘plagan ballari bilan rekord qo‘ygan.
The Black Mamba — Love Is On My Side (Portugaliya)
Pedro Tatanka, Migel Kasaisa, Marko Pombino, Rui Pedro Vaza va Gilerme Salgeyradan tashkil topgan “The Black Mamba” guruhi faol ijod qilish bilan birga, Portugaliyadan tashqaridagi festivallarda ham ishtirok etib keladi.
Hurricane — Loco Loco (Serbiya)
Guruh a’zolaridan biri Sanya Vuchich 2016-yilgi “Yevrovideniye”da ishtirok etib 18-o‘rinni egallagan. 2017-yilda tashkil topgan guruh tomonidan 2019-yilda kuylangan “Favorito” qo‘shig‘i YouTube’da 34 million martadan ko‘proq ko‘rilgan.
James Newman — Embers (Buyuk Britaniya)
Jeyms “Rudimental” bilan hamkorlik qilib mashhurlikka erishgan va “Feel the Love” nomli qo‘shig‘i bilan Britaniyadagi UK Singles Chart’da yetakchilik qilgan.
Stefania — Last Dance (Gretsiya)
2016-yilda bolalar “Yevrovideniye”sida “Kisses” qo‘shig‘i bilan ishtirok etgan. U xonandalikdan tashqari filmlarda ham suratga tushadi.
Gjon’s Tears — Tout l’Univers (Shveysariya)
12 yoshida “Albanians Got Talent” shousida ishtirok etib uchinchi o‘rinni egallagan Gjon’s Tears “Die grоssten Schweizer Talente” shousining yarim finaligacha yetib borgan. 2019-yilda esa “Fransiya ovozi” shousida ishtirok etib unda ham yarim final bosqichida ishtirok etgan.
Gagnamagnid – Dadi Freyr yetakchiligidagi mazkur musiqiy guruhning tanlovdagi ishtiroki eng katta g‘alabalaridan biri sanaladi.
Blas Canto — Voy A Querdarme (Ispaniya)
29 yashar Blas 2004- yilda bolalar “Yevrovideniye”sida 4-o‘rinni egallaganidan keyin mashhurlikka erishgan.
Jendrik — I Don’t Feel Hate (Germaniya)
Osnabruk universitetni tamomlagan Jendrik teatrda faoliyat yurita boshlagan va “Briolin”, “Piter Pen” singari myuzikllarda rol ijro qilgan.
Blind Channel — Dark Side (Finlyandiya)
2103-yilda tashkil qilingan guruh 2014-yil Germaniyadagi eng nufuzli festivallardan biri hisoblangan “Wacken Open Air”da ishtirok etgan. Keyinchalik “Naysayers” va “Calling Out” nomli qo‘shiqlari bilan mashhurlikka erishgan.
Victoria — Growing Up is Getting Old (Bolgariya)
Xonanda “X-Factor Bulgaria” shousidagi ishtirokidan keyin mashhurlikka erishgan. Shundan keyin Monte Music bilan shartnoma imzolab yakkaxon karyera boshlagan.
The Roop — Discoteque (Litva)
Ilk “To Whom It May Concern” nomli albomini 2015-yilda taqdim qilgan guruh nafaqat Litva, balki mamlakatdan tashqarida ham gastrol safarlariga borgan. 2018-yilda ham “Yevrovideniye”da ishtirok etishga uringan, ammo bu ikkinchi urinish singari muvaffaqiyatli yakun topmagan.
Go_A — “Shum” (Ukraina)
2016-yilda “The Best Track in Ukraine” tanlovida ishtirok etgan guruhning “Vesnyanka” qo‘shig‘i mashhurlikka erishgan. 2016-yilda ilk albomini taqdim qilgan ijodkorlarning “Vesnyanka”si 2019-yilda Slovakiyada Top-10 iTunes Dance chartidan o‘rin olgan.
Barbara Pravi — Voila (Fransiya)
2014-yilda karyerasini boshlagan Barbara 2015-yilda “Capitol Music France” leybli bilan shartnoma imzolagan. 2016-yilda “Heidi” filmi uchun “On m’appelle Heidi” saundtrekini kuylagan Barbara 2016-yilda “Un ete 44” filmida suratga tushgan.
Efendi — Mata Hari (Ozarbayjon)
Bolaligidan qo‘shiq kuylaydigan Samira “Yeni ulduz”, “Boyuk sehne” singari tanlovlardagi ishtirokidan keyin mashhurlikka erishgan. 2016-yilda “The Voice of Azerbaijan” shousida ishtirok etgan va uchinchi o‘rinni egallagan.
TIX — Fallen Angel (Norvegiya)
Professional karyerasini 2015-yilda boshlagan TIX ilk bor “Domt og beromt” nomli albom taqdim qilib, Norvegiyaning musiqiy chartlarida ikkinchi o‘rinni egallagan. U nafaqat xonanda, balki qo‘shiq muallifi sifatida ham yaxshi ma’lum.
Jeangu Macrooy — Birth of a New Age (Niderlandiya)
Popacademy’da musiqa sohasida ta’lim olish uchun 2014-yilda Niderlandiyaga ko‘chib kelgan ArtEZ ikki marta albom taqdim qilish hamda bir marotaba konsert berishga ulgurgan.
Maneskin — Zitti E Buoni (Italiya)
2015-yilda tashkil qilingan guruh, ilk “Chosen” albomi Italiyaning FIMI Singles Chart’ida ikkinchi o‘rinni egallaganidan keyin mashhurlikka erishgan.
Tusse — Voices (Shvetsiya)
Karyerasini 2018-yilda “Talang” tanlovida ishtirok etishdan boshlagan xonanda bir yil o‘tib “Swedish Idol” shousida g‘alabaga erishgan.
Senhit — Adrenalina (San-Мarino)
Karyerasini Shveysariya va Germaniyada boshlagan Senhit 2002-yilda Italiyaga qaytgan va 4 yildan keyin ilk albomini taqdim qilgan. 2011-yilgi “Yevrovideniye”da ishtirok etgan ammo finalga yetib bora olmagan.
Izoh (0)