Serbiya prezidenti Aleksandr Vuchich Rossiya-Ukraina mojarosi tomonlar Koreya ssenariysi bo‘yicha tinchlikka erishmaguncha davom etishini taxmin qildi.
“Oxir-oqibat tinchlik bo'ladi, bungacha har bir qishloq uchun 10 yil kurash bo'ladi. Koreya ssenariysiga erishiladi, lekin yana 10, 20 yoki 30 yil davomida mojaroning yechimi bo‘lmaydi”, — dedi Serbiya prezidenti TV Informer telekanaliga bergan intervyusida.
Aleksandr Vuchichning qo‘shimcha qilishicha, Qo‘shma Shtatlar o‘z manfaatlaridan kelib chiqqan holda, Rossiya bilan kurashni davom ettiradi. Shu bilan birga, Kursk viloyatining taqdiri nima bo‘ladi, degan savolga Serbiya prezidenti hozircha javob berib bo‘lmasligini ma’lum qilgan.
2023-yilda Ukraina Milliy xavfsizlik kengashining sobiq kotibi Aleksey Danilov Moskva mojaroni Koreya ssenariysi bo‘yicha tugatish, yaʼni front chizig‘i bo‘ylab chegaralarni o‘rnatishni taklif qilishi mumkinligini aytgandi.
Iyul oyida Ukraina prezidenti Vladimir Zelenskiy koreys ssenariysi bo‘yicha takliflarni rasman olmaganini, biroq “parda ortida turli o‘yinlar bo‘layotganini” ma’lum qilgandi.
Izoh (0)