Xorazm viloyatining Urganch shahriga Xitoydan 50 ta zamonaviy avtobus olib kelindi. Bu haqda shahar hokimligi matbuot xizmati xabar berdi.
Avtobuslarni foydalanishga topshirish marosimida viloyat hokimi Jo‘rabek Raximov ishtirok etib, viloyatda aholiga transport xizmati ko‘rsatishni yaxshilash borasida amalga oshirilayotgan ishlar, yangi loyihalar haqida to‘xtalgan.
Ma’lum qilinishicha, avtobuslar “Bunyod yo‘lovchi tashish” MChJ tomonidan olib kelingan. Joriy yil oxirigacha ushbu rusumdagi avtobuslardan yana 30 tasi keltiriladi. Natijada shaharda 16 ta yo‘nalishda 148 ta avtobus harakatlanib, har kuni 136 ming nafar yo‘lovchiga xizmat ko‘rsatish imkoniyati yaratiladi. Muhimi, shaharda yo‘lovchi tashish hajmi ikki barobardan ortadi va qatnovlarning oraliq intervali 18 daqiqadan 10 daqiqaga qisqaradi.
Avvalroq Xitoydan Guliston shahriga 8 ta, Namanganga esa 36 ta zamonaviy avtobus olib kelingani xabar qilingandi.
Izoh (0)