Oliy taʼlim, fan va innovatsiyalar vazirligi Transport vazirligi bilan hamkorlikda 23-dekabr kuni soat 10:00 dan eʼtiboran Toshkent shahri Talabalar shaharchasida joylashgan O‘zbekiston Milliy universiteti bosh binosi qarshisidagi maydonda Toshkent shahrida tahsil oluvchi va qishki taʼtil munosabati bilan doimiy yashash joylariga jo‘nab ketuvchi talabalar uchun qo‘shimcha avtobus yo‘nalishlari tashkil etildi.
Avtobuslar qatnovi talab (buyurtma) mavjud bo‘lgan quyidagi yo‘nalishlarda tashkil etilmoqda:
- Toshkent — Olot (Buxoro);
- Toshkent — Qarshi;
- Toshkent — Termiz.
Chiptalar O‘zbekiston Milliy universiteti bosh binosida tashkil etilgan sayyor kassada sotiladi.
Ma’lumot uchun, Toshkent—Olot (Buxoro) yo‘nalishi bo‘yicha avtobuslar Jizzax, Samarqand, Navoiyga boradigan talabalar uchun yo‘nalishda belgilangan narxlarda xizmat ko‘rsatishi mumkin.
Qoraqalpog‘iston Respublikasi, Xorazm, Namangan, Farg‘ona, Andijon viloyatlariga jo‘nab ketuvchi talabalar uchun alohida qo‘shimcha temiryo‘l vagonlari tashkil etilgan. Ushbu yo‘nalishlarda imtiyozli temiryo‘l chiptalari O‘zbekiston Milliy universiteti bosh binosida tashkil etilgan sayyor kassa orqali beriladi.
Avvalroq O‘zbekistonda talabalarga poyezd chiptalari uchun 50 foizli chegirma e’lon qilingandi. “O‘zbekiston temir yo‘llari” yo‘lovchilarni bayramoldi kunlarda manzillariga xavfsiz yetkazish va ularga qulaylik yaratish maqsadida Toshkentdan Urganch, Nukus, Samarqand va Qarshiga qo‘shimcha poyezdlar qatnovi yo‘lga qo‘yilishini ma’lum qilgan edi.
Izoh (0)