Savdo-sanoat palatasi raisining elektromobillarga bojlarni gibrid avtomobillarniki bilan tenglashtirish haqida fikri, Chiroqchi tumani hokimining fuqaroga tarsaki tushirishi, dzyudochi Alisher Yusupovning bronza medali sohibi bo‘lishi — “Daryo” nashri bugun, 2-avgustda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
Toshkentda avtobus yo‘nalishlari bo‘yicha qator o‘zgartirishlar kiritildi
Xususan, ayrim yo‘nalishlarda endi o‘ta katta sig‘imli avtobuslar qatnaydi.
“Elektromobillarga bojlarni gibrid avtomobillarniki bilan tenglashtirish kerak” — Savdo-sanoat palatasi raisi
Davron Vahobovga ko‘ra, boj tariflarining nol qiymatda saqlanib qolishi Xitoy elektromobillarining hech qanday kafolatlarsiz mamlakatga kirib kelishiga sabab bo‘ladi.
O‘zbekistonda poyezdlarda konditsioner ishlamasa, yo‘lovchiga kompensatsiya to‘lanadigan bo‘ldi
Fuqarolar konditsioner ishlamagandan norozi bo‘lsa, Raqobat qo‘mitasi yoki “O‘ztemiryo‘lyo‘lovchi”ga murojaat qilishi mumkin.
O‘zbekistonda mehnatga layoqatli aholi o‘rtasida ishsizlik darajasi tushdi — Bandlik vazirligi
Kambag‘allik darajasi ham 2024-yil boshiga kelib 11 foizga tushgan.
DXX Qirg‘izistondan olib kelingan kuchli ta’sir qiluvchi dori vositalarini musodara qildi (video)
Namanganda o‘tkazilgan tezkor tadbirda 16,8 ming dona “Regapen”ni 36 ming dollarga sotmoqchi bo‘lganlar ushlandi.
Nishon, Shahrisabz, G‘uzor va Muborak hokimlari “isteʼmolchilar huquqini kamsituvchi” 19 ta qaror qabul qilgani aniqlandi
Raqobat qo‘mitasi tuman hokimliklariga qonun buzilishi holatlarini bartaraf etish yuzasidan taqdimnomalar kiritildi.
Qashqadaryoda 2024-yilning 6 oyida ming nafardan ortiq haydovchi mast holda avtomobil boshqargani ma’lum bo‘ldi
2024-yilning o‘tgan 6 oyi davomida viloyat yo‘l-patrul xizmati inspektorlari tomonidan aniqlangan jami qoidabuzarliklar 172 ming 524 tani tashkil qilgan.
Eng namunali “Talabalarni turar joy bilan ta’minlash” markazlari 30 mln so‘mgacha mukofotlanadi
Toshkentdagi davlat OTMlarida 60 ta shunday markaz tashkil etiladi.
“Jurnalistlarga qaratilmagan”: Andijon hokimining “qo‘llaringdan baloyam kelmaydi” degan gapiga izoh berildi
Shuhrat Abdurahmonovning “gaplarimdan kavak qidirmalaring”, degani va bu jurnalistlarga qaratilgani aytilgan videolar tarqalgandi.
Urganch xalqaro aeroporti rejada belgilangan vaqtdan avvalroq ochiladi
Aeroport uchish-qo‘nish yo‘lagi kapital ta’mirlash ishlari sabab vaqtincha yopilgandi.
O‘zbekistonlik ayol Turkiyada fohishalikka majbur qilingani aytilgan video bo‘yicha izoh berildi
Videoda u mazkur davlatga aldov yo‘li bilan chaqirib olingani bildirilgan.
Markaziy bank 20 ta tijorat bankini ogohlantirdi
Bunga isteʼmolchilar bilan o‘zaro munosabatlarda qonunchilikka rioya qilinmagani sabab bo‘ladi.
Andijonda onlayn qimorda 11 mln so‘m yutqazib qo‘ygan uch farzandning onasi o‘zini kanalga tashladi
Holat yuzasidan tergovga qadar tekshiruv harakatlari o‘tkazilmoqda.
Shavkat Mirziyoyev Temiryo‘l transporti xodimlari kuni munosabati bilan soha vakillariga tabrik yo‘lladi
Tabrikni prezident matbuot kotibi Sherzod Asadov o‘qib eshittirdi.
Fuqaroga tarsaki tushirgan Chiroqchi tumani hokimi ogohlantirildi
Hokim shu va ish faoliyatida yo‘l qo‘ygan boshqa kamchiliklari uchun intizomiy jazoga tortilgan.
Parij—2024. Alisher Yusupov — bronza medali sohibi
Dzyudochi yaponiyalik raqibini mag‘lub etib, medal sohibiga aylandi.
Izoh (0)