“Afrosiyob” poyezdi Shahrisabzgacha harakatini qayta tiklaydi

Shavkat Mirziyoyev 26-aprel kungi videoselektor yig‘ilishida sifatli transport-logistika xizmatlari yo‘lga qo‘yilmasa, turizmni rivojlantirib bo‘lmasligini ta’kidladi. Bu haqda Prezident matbuot kotibi xabar qildi.

Qayd etilishicha, transport xarajatlarining yuqoriligi xorijiy turistlarni jalb qilishda asosiy to‘siqlardan biri bo‘lib qolmoqda. Haligacha xalqaro va mahalliy yo‘nalishlarda loukosterlar faoliyati samarali yo‘lga qo‘yilmagani, zamonaviy “Afrosiyob” poyezdiga chipta olish uchun bir necha hafta oldin murojaat qilish zarurligi tanqid qilingan. Shu bois Transport vazirligiga bir oy muddatda:

• Farg‘ona—Buxoro—Farg‘ona, Farg‘ona—Urganch—Farg‘ona yo‘nalishida aviaqatnovlarni;
• Buxoro—Samarqand, Buxoro—Xiva, Buxoro—Termiz yo‘nalishlari bo‘yicha zamonaviy avtobus va mikroavtobuslar qatnovini yo‘lga qo‘yish topshirilgan.