Transport vazirligi yangi o‘quv yili boshlanishi munosabati bilan talabalar o‘z vaqtida yetib borishlari uchun bir necha yo‘nalishlarda qo‘shimcha avtobus qatnovlari yo‘lga qo‘yilganini e’lon qildi.
Bular:
- Urganch—Toshkent;
- Xiva—Toshkent;
- Buxoro—Toshkent;
- Toshkent—G‘ijduvon;
- Toshkent—Qorako‘l;
- Toshkent—Shofirkon yo‘nalishlari.
Shuningdek, Vobkent, Jondor va Olot tumanlaridan 2023-yilning 3-sentabriga qadar qo‘shimcha avtobuslar qatnovi yo‘lga qo‘yilmoqda.
Avtobuslar chiptalarini Urganch shahridagi avtovokzaldan, Buxoro shahridagi avtoshohbekatidagi chiptaxonadan yoki elektron tarzda xarid qilish mumkin.
Vazirlik Mustaqillik bayrami arafasida yo‘nalishlarda yo‘lkira narxlari oshirib yuborilishining oldini olish maqsadida viloyatdagi transport boshqarmasi xodimlari tomonidan to‘xtash va oxirgi bekatlarida, avtovokzallar, shohbekatlarda haydovchilar bilan profilaktik targ‘ibot tadbirlari o‘tkazilayotganini ham bildirdi.
Izoh (0)