Urganch shahrida jamoat transporti uchun alohida yo‘laklarni tashkil etish ishlari boshlandi. Bu haqda Transport vazirligi matbuot xizmati xabar berdi.
Qayd etilishicha, Tinchlik ko‘chasining 700 metrli qismida — Pahlavon Mahmud ko‘chasi chorrahasidan Abulg‘ozi Bahodirxon ko‘chasi chorrahasigacha bo‘lgan qismida maxsus yo‘lak ochilgan.
Toshkentda 2022-yil 20-dekabrdan boshlab jamoat transportlariga ustuvorlik beruvchi ajratilgan yo‘laklarni chizish ishlari boshlangan edi. IIV Jamoat xavfsizligi departamenti yo‘l-harakat xavfsizligi boshqarma boshlig‘i Fazliddin Toshkenboyevning ma’lum qilishicha, poytaxtda 475 kilometrga yaqin 34 ta alohida avtobus yo‘lakchalari tashkil etiladi.
2023-yilning fevral oyida prezident boshchiligida o‘tkazilgan yig‘ilishda Toshkent shahridagi 73 ta asosiy ko‘chada avtobuslar uchun alohida yo‘lak tashkil etilishi ma’lum qilingan edi. Iyun oyida esa Amir Temur, Shahrisabz, Shota Rustaveli va Yangi Sergeli ko‘chalarida jamoat transporti koridorlari joriy etilishi aytilgandi.
Izoh (0)