“O‘zgidromet” kelgusi hafta uchun ob-havo prognozini e’lon qildi.
Unga ko‘ra, 18-noyabr kuni respublikamizda havo biroz bulutli bo‘ladi. Qoraqalpog‘iston Respublikasi, Xorazm, Buxoro, Navoiy viloyatlarida yomg‘ir yog‘ishi mumkin. Harorat kechasi 0-5 daraja iliq, kunduzi 7-12 daraja iliq bo‘ladi. Respublikaning qolgan hudularida yog‘ingarchilik kuzatilmaydi.
Toshkent, Samarqand, Jizzax, Sirdaryo viloyatlarida havo harorati kunduz kuni 17 darajagacha isishi mumkin.
O‘zbekistonning janubiy hududlari bo‘lgan Qashqadaryo va Surxondaryoda harorat kechasi 4-9 iliq, kunduzi 17-22 issiq bo‘ladi.
Andijon, Namangan, Farg‘ona viloyatlarida 18-noyabr kuni havo harorati kechasi 0-5 iliq, kunduzi 10-15 daraja iliq bo‘lishi kutilmoqda.
19-20-noyabr kunlari Qoraqalpog‘iston Respublikasi, Xorazm viloyatida yog‘ingarchilik kuzatilmaydi. Aksincha, Buxoro, Navoiy, Toshkent, Samarqand, Jizzax, Sirdaryo viloyatlarida yomg‘ir yog‘ishi mumkin.
Qashqadaryo va Surxondaryoda ham 19-20-noyabrda ba’zi joylarda yog‘ingarchilik kuzatilishi mumkin. Andijon, Namangan, Farg‘ona viloyatlarida esa shu kunlari ba’zi joylarga tuman tushishi mumkin.
Respublikaning tog‘li hududlarida kelasi hafta havo biroz bulutli bo‘ladi, ba’zi joylarda yog‘ingarchilik (yomg‘ir, qor) kuzatiladi.
Sharqiy shamol yo‘nalishini o‘zgartirib, g‘arbdan 7-12 m/s tezlikda esadi. Harorat kechasi 2 daraja sovuq, kunduzi 5-10 daraja iliq bo‘ladi.
Izoh (0)