Yerdagi iqlim o‘zgarishi bilan bog‘liq ekstremal ob-havo hodisalari so‘nggi 10 yil ichida jahon iqtisodiyotiga 2 trillion dollardan ortiq zarar keltirdi. Bu haqda Parijdagi Xalqaro savdo palatasi saytida chop etilgan hisobotda ma’lum qilindi.
Hisobot 2014-yildan 2023-yilgacha bo‘lgan va jami 1,6 milliard aholiga ta’sir qilgan 4000 ga yaqin ob-havo hodisalar asosida tuzildi. Bunda tadqiqotchilar tomonidan turar joy binolari, korxonalar va infratuzilmalarning vayron bo‘lishidan kelib chiqadigan bevosita zarar hamda ob-havo sharoitlarining mehnat unumdorligiga ta’siri hisobga olingan.
Hujjatda taʼkidlanganidek, “birgina so‘nggi 2 yilda global iqtisodiy zarar 451 milliard dollarga yetdi, bu avvalgi 8 yilga nisbatan 19 foizga ko‘pdir”.
“So‘nggi o‘n yillikdagi dalillar iqlim o‘zgarishi kelajak emas, bugungi kun muammosi ekanini ko‘rsatadi: ekstremal ob-havo hodisalari natijasida hosildorlikning yo‘qolishi hozir iqtisodiyotga salbiy ta’sir qilmoqda”, dedi palata bosh kotibi Jon Denton.
Tadqiqotni Oxera konsalting kompaniyasi olib bordi.
Izoh (0)