Qashqadaryo viloyatining tog‘li hududlari 13-noyabr kuni oppoq qorga burkandi.
Xususan, Qashqadaryo viloyati Shahrisabz tumani Kul qishlog‘ida qalin qor yog‘di. “Daryo” mushtariyining ma’lum qilishicha, ayrim joylarda qor qalinligi 30 santimetrga yetgan.
Ijtimoiy tarmoqlarda ham Qashqadaryoning qator hududlarida yog‘gan qor suratlari ulashildi.
Qashqadaryo viloyati Dehqonobod tumani tog‘li Shaxshor qishlog‘idagi ayni tonggi qorli manzara.
Viloyatning Shahrisabz tumani tog‘li G‘elon qishlog‘i manzarasi.
Qamchiq dovoni ham qor bilan qoplandi. Dovonda avtotransport vositalarining to‘xtovsiz ikki tomonlama harakatlanishini ta’minlash maqsadida, sirpanchiq bo‘lmasligi uchun yo‘l qoplamasini qordan tozalash va qum-tuz aralashmasi sepish ishlari amalga oshirildi.
Namangan viloyati Pop tumani tog‘li “Imonota” MFY Parda-Tursin va Qo‘rnos hududlari uchun ham mavsum uchun ilk qor yog‘ish hodisalari kuzatildi.
Jizzax viloyatining Zomin hududini ham qor qopladi.
O‘zbekistonga 13-noyabr kuni nam va sovuq havo massalari kirib kelgandi. “O‘zgidromet” shu kuni tog‘li hududlarda vaqti-vaqti bilan yomg‘ir, qor yog‘ishini, baʼzi joylarda kuchli bo‘lishini prognoz qilgandi.
Izoh (0)